ខ្សែប្រយុទ្ធ Diogo Jota របស់ Liverpool បានស្លាប់ក្នុងគ្រោះថ្នាក់ចរាចរណ៍ក្នុងអាយុ 28 ឆ្នាំ។ ប្អូនប្រុសរបស់ខ្សែប្រយុទ្ធព័រទុយហ្គាល់ Andre Silva ក៏បានស្លាប់នៅក្នុងឧបទ្ទវហេតុនេះផងដែរ ដែលបានកើតឡើងនៅក្នុងទីក្រុង Zamora របស់អេស្ប៉ាញ។

ប្រភពព័ត៌មានBBC Sport ផ្សាយថា Jota និងប្អូនប្រុសរបស់គាត់អាយុ26ឆ្នាំបានស្លាប់នៅម៉ោងប្រហែល 00:30 ម៉ោងក្នុងស្រុកកាលពីថ្ងៃព្រហស្បតិ៍។ ពួកគេ​បាន​និយាយ​ថា រថយន្ត​របស់​ពួកគេ​ជា​រថយន្ត​ម៉ាក Lamborghini បាន​បើក​ចេញពី​ផ្លូវ​ដោយសារ​កង់​រថយន្ត​បែក​កង់ ខណៈ​បាន​ជែង​រថយន្ត​មួយ​គ្រឿង​ទៀត ហើយ​ក៏​ត្រូវ​ភ្លើង​ឆាបឆេះ​តែម្តង​។

អ្វីដែលគួរឱ្យសង្វេគ Jota ទើបបានរៀបការជាមួយដៃគូដែលបានរស់នៅយូរអង្វែងជាមួយគ្នារបស់គាត់ឈ្មោះ Rute Cardoso ដោយមានកូនបីនាក់កាលពីខែមុន។ 

ថ្មីៗនេះលោកបានបង្ហោះរូបភាពនៅលើបណ្តាញសង្គមខាងក្រៅនៃពិធីដែលធ្វើឡើងនៅថ្ងៃទី 22 ខែមិថុនា។ Jota បានជួយ Liverpool ឈ្នះជើងឯក Premier League កាលពីរដូវកាលមុន និងបានលេងឱ្យព័រទុយហ្គាល់ផងដែរ ខណៈដែលពួកគេបានផ្តួលក្រុមអេស្ប៉ាញក្នុងវគ្គផ្តាច់ព្រ័ត្រនៃ Nations League កាលពីខែមិថុនា។

ប្អូនប្រុសរបស់គាត់គឺAndre Silvaដែលបានស្លាប់ជាមួយគ្នាជាកីឡាករបាល់ទាត់អាជីពជាមួយនឹងក្លឹបលំដាប់ទីពីរព័រទុយហ្គាល់ Penafiel ។