ភ្នំពេញ: បុរសម្នាក់បេីករថយន្តលឿនផ្លូវកោងរអិលមេឃភ្លៀងបួងចង្កូតធ្លាក់ផ្លូវក្រឡាប់ផ្ងារជេីងសង្កត់អ្នកបេីកបររងរបួសធ្ងន់ត្រូវបានក្រុមសង្គ្រោះរបស់អង្គភាព៧១១ជួយកាត់រថយន្ដដេីម្បីជួយសង្គ្រោះបន្ទាន់ភ្លាមៗ។
ហេតុការណ៍នេះបង្កឲ្យមានការភ្ញាក់ផ្អើលឡើងកាលពីម៉ោង៨យប់ថ្ងៃទី២០ ខែកក្កដា ឆ្នាំ២០២៥ នៅតាមបណ្ដោយផ្លូវ មហាវិថីឈ្នះឈ្នះ (ផ្លូវទំនប់កប់ស្រូវ) ទល់មុខវត្ត អង្គក្រពើ ស្ថិតនៅសង្កាត់គោករកា ខណ្ឌព្រែកព្នៅ រាជធានីភ្នំពេញ ។
ប្រភពព័ត៌មានពីប្រជាពលរដ្ឋនៅកន្លែងកេីតហេតុបានឲ្យដឹងថា នៅមុនពេលកេីតហេតុគេឃើញរថយន្តកុងតឺន័រពណ៌ខៀវពាក់ស្លាកលេខភ្នំពេញ3E-9578 ធ្វើដំណើរតាមបណ្ដោយមហាវិថីឈ្នះឈ្នះ ហៅហៅផ្លូវទំនប់កប់ស្រូវ ទិសដៅពីលិចទៅកេីត ក្នុងល្បឿនយ៉ាងលឿន ខណៈបេីកមកដល់ចំណុចកេីតហេតុ ដោយផ្លូវកោងហេីយមេឃភ្លៀងរលឹមស្រិចៗផងនោះរថយន្តកុងតឺន័របានរ៉េចង្កូតទៅផ្នែកខាងស្ដាំបណ្តាលឲ្យធ្លាក់ផ្លូវ បណ្តាបណ្តាលឲ្យរថយន្តកុងតឺន័រក្រឡាប់ផ្ងារជេីងឡេីងលេី សង្កត់ជនរងគ្រោះគៀបជាប់នៅក្នុងរថយន្តរងរបួសធ្ងន់។ ប្រភពព័ត៌មានពីកន្លែងកើតហេតុបានបន្តទៀតថា ខណៈគ្រោះថ្នាក់ភ្លាមៗ ដោយឃេីញជនរងគ្រោះ នៅមានជីវិតនៅឡេីយ ហេីយបានទាក់ទងទៅរថយន្តសង្គ្រោះបន្ទាន់របស់អង្គភាព៧១១ ដេីម្បីជួយអន្តរាគមន៍នឹងដេីម្បីកាត់រថយន្ដជួយសង្គ្រោះជនរងគ្រោះបានភ្លាមៗ ហេីយបានបញ្ជូនយកទៅសង្គ្រោះបន្ទាន់នៅមន្ទីរពេទ្យ តេជោសន្តិភាពភ្លាមៗ ។
បន្ទាប់ពីពេលកេីតហេតុ សមត្ថកិច្ចនគរបាលប៉ុស្តិ៍បានទាក់ទងទៅសមត្ថកិច្ចនគរបាលជំនាញនៃការរិយាល័យចរាចរណ៍ផ្លូវគោករាជធានីភ្នំពេញដើម្បីស្ទូចរថយន្តយកទៅរក្សាទុកដេីម្បីប្រគល់ឲ្យម្ចាស់រថយន្តវិញនៅពេលក្រោយ ៕
ដោយ៖ ជ្រោយពេជ្រ
