ក្រុមBarcelona បានបញ្ចេញការលេងកម្រិតកំពូលរបស់ខ្លួននៅចំពោះមុខអ្នកគាំទ្រត្រឹមតែ 6,000 នាក់ប៉ុណ្ណោះដោយយកឈ្នះក្រុម Valencia រហូតដល់ 6-0 ក្នុងការប្រកួតក្នុងផ្ទះដំបូងរបស់ពួកគេក្នុងរដូវកាលនេះ ជាមួយនឹងកីឡាករបីនាក់បានស៊ុតបញ្ចូលទីបានពីរគ្រាប់ម្នាក់។

Fermin Lopez, Raphinha និង Robert Lewandowski រកបានពីរគ្រាប់ម្នាក់សម្រាប់ក្រុមជើងឯកអេស្ប៉ាញ។

គ្រាប់បាល់បញ្ចូលទីដំបូងរបស់ Raphinha ក្នុងតង់ទីមួយធ្វើបានក្នុងលទ្ធផល 2-0 បានមកពីការបញ្ជូនបាល់ពីស្លាបឆ្វេងដ៏អស្ចារ្យរបស់ខ្សែប្រយុទ្ធ Rashford របស់អង់គ្លេស។ កីឡាករខ្ចីជើងរបស់ Manchester United ដែលចាប់ផ្តើមលេងជាលើកទី 2 ឱ្យ Barca លេងបាន 67 នាទី ។

ការប្រកួតនេះត្រូវបានលេងនៅកីឡដ្ឋាន Johan Cruyff ដែលមានសមត្ថភាពឱ្យអ្នកទស្សនាត្រឹមចំនួន 6,000 នាក់ប៉ុណ្ណោះ ជាកន្លែងដែលក្រុម B របស់ Barca តែងតែលេង ព្រោះកីឡដ្ឋាន Nou Camp មិនទាន់រួចរាល់នៅឡើយទេ បន្ទាប់ពីត្រូវបានជួសជុលឡើងវិញ។

ជ័យជំនះបានជំរុញឱ្យក្រុម Catalans ឈរនៅលេខរៀងទី 2 នៅ LaLiga ដោយមាន 10 ពិន្ទុតាមពីក្រោយក្រុមកំពូលតារាង Real Madrid ចំនួន 2 ពិន្ទុដែលមានការចាប់ផ្តើមដ៏ល្អឥតខ្ចោះជាមួយនឹងការឈ្នះ 4លើក ពីការប្រកួតចំនួន 4ដងជាប់គ្នា ។Valencia បានធ្លាក់មកឈរនៅលេខរៀងទី 15 ដោយមានត្រឹមតែ 4 ពិន្ទុប៉ុណ្ណោះ។