សហម្ចាស់ក្លឹបបិសាចក្រហមលោក Sir Jim Ratcliffe មានប្រសាសន៍ថាលោក Ruben Amorim គ្រូបង្វឹកក្រុម Manchester United ត្រូវការពេលបីឆ្នាំដើម្បីបង្ហាញថាគាត់ជាគ្រូបង្វឹក ដ៏អស្ចារ្យ នឹងសាងក្រុមឱ្យខ្លាំងឡើងវិញ។

Amorim នឹងឈានចូលដល់ការដឹកនាំមួយឆ្នាំនៅ Old Trafford ក្នុងខែវិច្ឆិកា ប៉ុន្តែកំណត់ត្រារបស់គាត់ចាប់តាំងពីចេញពីក្លឹប Sporting របស់ព័រទុយហ្គាល់គឺមិនល្អទេ។ Man United បានបញ្ចប់ក្នុងចំណាត់ថ្នាក់លេខ 15 ក្នុងក្របខ័ណ្ឌ Premier League កាលពីរដូវកាលមុន ដែលជាទម្រង់លេងដ៏អាក្រក់បំផុតរបស់ពួកគេចាប់តាំងពីយុទ្ធនាការឆ្នាំ 1973-74 ដែលពួកគេត្រូវបានកាត់ចេញពីក្របខ័ណ្ឌកំពូលរបស់អង់គ្លេស។

ទោះបីជាមានការចំណាយលើការផ្ទេរនៅរដូវក្តៅលើសពី 200 លានផោនក៏ដោយ ពួកគេបានចាញ់បីដងរួចមកហើយនៅក្នុងលីកក្នុងរដូវកាលនេះ ហើយត្រូវបានធ្លាក់ចេញពីកម្មវិធី EFL Cup ដោយចាញ់ក្រុម Grimsbyមកពី League Two ។

ទោះបីជាប្រភពជិតស្និទ្ធនឹង Ratcliffe បានសង្កត់ធ្ងន់ថា Amorim មិនស្ថិតក្នុងគ្រោះថ្នាក់ភ្លាមៗនោះទេ ប៉ុន្តែបើបានទទួលជ័យជម្នះ 2-0 លើក្រុម Sunderland កាលពីចុងសប្តាហ៍មុនទេ លោក Amorim អាចមានហានិភ័យនៃការបាត់បង់ការងារប្រសិនបើ United បរាជ័យក្នុងការយកឈ្នះ។

ទោះជាយ៉ាងណាក៏ដោយនៅក្នុងបទសម្ភាសន៍មួយនៅលើផតឃែស្ថរបស់ Times The Businessលោក Ratcliffe និយាយថា “វាមិនដូច្នោះទេហើយមានអារម្មណ៍ថា បុរសល្អ Amorim នឹងត្រូវការពេលវេលាបន្ថែមដើម្បីបញ្ជាក់ពីតម្លៃរបស់គាត់។Ruben ត្រូវតែបង្ហាញថាគាត់ជាគ្រូបង្វឹកដ៏អស្ចារ្យក្នុងរយៈពេលបីឆ្នាំ។ នោះហើយជាកន្លែងដែលខ្ញុំនឹងនៅចាំមើល”។

ក្រុមរបស់លោក Amorim ត្រូវបានជួយជ្រោមជ្រែងដោយកីឡាករចំណូលថ្មីដែលមានតម្លៃជាង 200 លានផោននៅរដូវក្តៅ៕