ភ្នំពេញ៖ ជនសង្ស័យមួយក្រុមបានធ្វើសកម្មភាព គាស់ផ្ទះរបស់ប្រជាពលរដ្ឋ ជនជាតិចិន លួចយកទូរសព្ទ២គ្រឿង និងម៉ូតូមួយគ្រឿង ទៅដោយសុវត្ថិភាព ។
ហេតុការណ៍នេះបង្កឲ្យមានការភ្ញាក់ផ្អើលឡើង នៅវេលាម៉ោង៣និង៣០នាទីយប់រំលងថ្ងៃចូលឆ្នាំថ្ងៃទី៩ខែតុលាឆ្នាំ២០២៥ ចំនុចផ្ទះលេខ៤២C ផ្លូវ៣៣៨ សង្កាត់ទួលស្វាយព្រៃទី១ ខណ្ឌបឹងកេងកង ។
តាមការរៀបរាប់ របស់នារីជាអ្នកបកប្រែ បានឲ្យដឹងថា ផ្ទះកេីតហេតុ មានមនុស្សស្នាក់នៅ ៧នាក់ ក្នុងនោះជនជាតិចិនប្រុស៣នាក់ និងនារី៤នាក់ ដោយប្រកបរបរ លក់គ្រឿងស៊ុបចិន ហេីយនៅយប់ថ្ងៃកេីតហេតុ ពួកគាត់បានចូលសំរាន្តដូចសព្វដង លុះដល់ម៉ោងកេីតហេតុ ពួកគាត់បានលឺសំលេង បេីកទ្វារ តែមិនចាប់អារម្មណ៍នោះទេ ព្រោះស្មានថាថៅកែ របស់ពួកគាត់ ធ្វើអ្វីមួយ ឬចេញចូលក្នុងផ្ទះ ។
ប្រភពបន្តទៀតថា ដោយមានមន្ទិលសង្ស័យ ពួកគាត់ រួចទាំងថៅកែ ជនជាតិចិន បានបេីកទ្វារបន្ទប់ចុះមកមើល ក៏ស្រាប់តែឃើញក្រុមជនសង្ស័យ បាននាំគ្នីគ្នារត់គេចបាត់ស្រមោលអស់ ហើយគាត់ទៅមេីលក្នុងផ្ទះ ស្រាប់តែបាត់ទូរសព្ទចំនួន២គ្រឿង ក្នុងមានមានម៉ាកoppo មួយគ្រឿង និងម៉ាកiphone មួយគ្រឿង រួមទាំងម៉ូតូប្រភេទអូតូ មិនចាំស្លាកលេខមួយគ្រឿងផងដែរ ។
អ្នកបកប្រែដដែលបានឲ្យដឹងទៀតថា រយៈពេល២ទៅ៣ថ្ងៃមុន ផ្ទះខាងហេតុ ក៏ធ្លាប់ត្រូវជនសង្ស័យ គាស់ចូលលួចអស់សំភារៈមួយចំនួន តែថៅកែរបស់ពួកគាត់ មិនបានដាក់ពាក់ពាក្យបណ្ដឹងនោះទេ ព្រោះថាគិតទៅតិចតួច តែយប់ថ្ងៃនេះ គឺសំខាន់លេខទូរសព្ទរបស់គាត់ ជាតម្រូវការចាំបាច់ គាត់នោះសូមប្តឹងសមត្ថកិច្ចអោយជួយអន្តរាគមន៍ស្រាវជ្រាវរកជនសង្ស័យ និងទូរសព្ទរបស់គាត់មកវិញផងដែរ ។
ក្រោយកេីតហេតុ កម្លាំងសមត្ថកិច្ចមូលដ្ឋានបានចុះទៅដល់និងបាននាំជនរងគ្រោះជាម្ចាស់ជនជាតិចិន ទៅដាក់ពាក្យបណ្ដឹងនៅប៉ុស្តិ៍នគរបាលរដ្ឋបាលទួលស្វាយព្រៃទី១ផងដែរ៕
ដោយ៖សុខាសែនជ័យ
