ភ្នំពេញ៖ យុវជនម្នាក់ជាកម្មករធ្វេីនំនៅក្នុងសិប្បកម្មធ្វីនំ យីហោ ធីធី ស្ថិតនៅភូមិព្រៃជីសាក់ សង្កាត់ចេាមចៅទី៣ ខណ្ឌពោធិ៍សែនជ័យ រាជធានីភ្នំពេញ ត្រូវបានឆក់ខ្សែភ្លេីងបណ្តាលឲ្យស្លាប់កាលពីវេលាម៉ោង១០ និង៤០នាទីព្រឹក ថ្ងៃទី០៩ ខែតុលា ឆ្នាំ២០២៥ រួចដឹកយកទៅវត្តតាំងក្រសាំងរងចាំជំនាញកោសល្យវិច័យ។
ជនរងគ្រោះឈ្មោះ ផុន ដាណា ភេទប្រុស អាយុ ១៧ឆ្នាំ ជាកម្មករធ្វីនំនៅសិប្បកម្មខាងលេី មានស្រុកកំណេីតនៅខេតុំតពោធិ៍សាត់។
ប្រភពបានដែលដឹងថា សពក្មេងប្រុសខាងលើ ត្រូវបានខាងសិប្បកម្មដឹកយកទៅធ្វើការសង្គ្រោះភ្លាមៗនៅមន្ទីរពេទ្យមួយកន្លែង(មិនស្គាល់ឈ្មោះ) តែអកុសលជនរងគ្រោះស្លាប់បាត់ទៅហេីយ រួចត្រូវបានហៅរថយន្តមួយគ្រឿង ម៉ាក Toyota Hiace ពណ៌ស ផ្លាកលេខ ភ្នំពេញ 2F-7954 មកដឹកយកទៅ វត្តតាំងក្រសាំង ស្ថិតក្នុងសង្កាត់កាកាបទី២ ខណ្ឌពោធិ៍សែនជ័យ រាជធានី ដើម្បីធ្វើកុសល្យវិច្ច័យ ហាក់បីលាក់បាំងព័ត៌មាន។
ប្រភពបន្តថា គេមិនទាន់មានការបំភ្លឺណាមួយពីម្ចាស់សិប្បកម្ម ធ្វើនំ ធី ធី នៅឡេីងទេ ជុំវិញការជួលក្មេងអាយុទើបតែ ១៧ឆ្នាំធ្វើការ និងមិនដឹងថាប្រភេទការងារអ្វី ដែលបណ្ដាលឲ្យជនរងគ្រោះឆក់ខ្សែភ្លេីងស្លាប់បែបនេះ។
បច្ចុប្បន្នសពត្រូវបានក្រុមគ្រួសារយកទៅធ្វើបុណ្យតាមប្រពៃណី នៅខេត្តពោធិ៍សាត់៕
ដោយ៖សុខាសែនជ័យ
