ភ្នំពេញ៖ រថយន្តឡង់គ្រីស័រមួយគ្រឿងខណៈបេីកបរមេឃកំពុងតែភ្លៀងក៏ជ្រុលទៅបុកក្បាលនាគថ្មពុះចែកទ្រូងផ្លូវបណ្ដាលឲ្យរងការខូចខាត ហេីយរថយន្តបង្កបានបេីករត់គេចដោយបន្សល់ទុកស្លាកលេខនៅកន្លែងកើតហេតុ ។
ហេតុការណ៍នេះបានកើតឡើងនៅវេលាម៉ោង១១យប់ថ្ងៃទី១៥ ខែតុលា ឆ្នាំ២០២៥ នៅចំណុចភ្លើងស្តុបព្រឹទ្ធសភា ផ្លូវម៉ៅសេទុងកែងផ្លូវលេខ៦៣ សង្កាត់បឹងកេងកងទី១ ខណ្ឌបឹងកេងកង។
តាមប្រភពពីប្រជាពលរដ្ឋដែរលឃើញហេតុការណ៍បានឲ្យដឹងថា មុនពេលកេីតហេតុ គេឃើញបុរសម្នាក់បានបេីករថយន្តម៉ាកឡង់គ្រីស័រ ពណ៌ស ពាក់ស្លាកលេខ ភ្នំពេញ 2BV-7866 ធ្វើដំណើរតាមបណ្ដោយផ្លូវម៉ៅសេទុងក្នុងទិសដៅពីកេីតទៅលិចពេលមេឃកំពុងភ្លៀង លុះមកដល់ចំណុចកេីតហេតុក៏ជ្រុលទៅបុកក្បាលនាគថ្មពុះចែកទ្រូងផ្លូវយ៉ាងពេញទំហឹង បណ្ដាលឲ្យបាក់រលំអស់ចំនួន១កង់ ព្រមទាំងធ្វើឲ្យរថយន្តរងការខូចខាតផ្នែកខាងមុខនិងធ្លាក់កាងផងដែរ។
ប្រភពបន្តទៀតថា ដោយមេឃកំពុងតែភ្លៀង អ្នកបេីកបរបានចុះពីលើរថយន្ត ទាញកាងយកទុកក្នុងរថយន្ត ហេីយបេីកចេញទៅបាត់ តែបានបន្សល់ទុកស្លាកលេខរថយន្តនឹងនៅកន្លែងកើតហេតុ។
ក្រោយកេីតហេតុ សមត្ថកិច្ចមូលដ្ឋាននិងជំនាញចរាចរណ៍ខណ្ឌបឹងកេងកងបានចុះទៅដល់កន្លែងកើតហេតុនិងបានយកស្លាកលេខទៅរក្សាទុក រង់ចាំស្វែងរកម្ចាស់រថយន្តចូលខ្លួនធ្វើការដោះស្រាយ៕
ដោយ៖សុខាសែនជ័យ
