ភ្នំពេញ ៖ អគ្គលេខាធិការដ្ឋានរដ្ឋសភា នៅរសៀលថ្ងៃទី១៦ ខែតុលា ឆ្នាំ២០២៥ បានរៀបចំ បាឋកថា ក្រោម ប្រធានបទ “អ្នកស្នងមរតកខ្មែរអង្គរក្នុងយុគសម័យបញ្ញាសិប្បនិម្មិត “ដោយមានការចូលរួមពីមន្ត្រី នៃអគ្គលេខាធិការដ្ឋានរដ្ឋសភាប្រមាណ១០០នាក់។ លោកសាស្រ្តចារ្យបណ្ឌិត ឆែម គាតរិទ្ធី ទេស រដ្ឋមន្ត្រី និងជាប្រធានក្រុមប្រឹក្សាសេដ្ឋកិច្ច សង្គម និងវប្បធម៌ បានអញ្ជើញជាវាគ្មិននៃកម្មវិធីនេះ។

នៅក្នុងបាឋកថានេះ លោកសាស្រ្តចារ្យបណ្ឌិត ឆែម គាតរិទ្ធី បានលើកបង្ហាញយ៉ាងច្បាស់ពីអត្ត សញ្ញាណខ្មែរ បង្ហាញពីភាពសាមគ្គីរវាងវិទ្យាសាស្ត្រ សាសនា និងសីលធម៌ ដែលជាស្នាដៃអារ្យធម៌ ដ៏ល្អឥតខ្ចោះ។ លោកក៏បានលើកឡើងពីបណ្តាញសង្គម ដែលជាវេទិកាដ៏សំខាន់ សម្រាប់ការ បញ្ចេញអត្តសញ្ញាណ ការចែករំលែកអារ្យធម៌ និងជួយជំរុញការយល់ដឹង និងការពង្រឹងអធិបតេយ្យ ភាពនៃអត្តសញ្ញាណជាតិ។

លោកបាន គូសបញ្ជាក់ថា ក្នុងបរិបទខ្មែរ បណ្តាញសង្គមអាចក្លាយជាឧបករណ៍នៃយុទ្ធសាស្រ្តការទូត បែបបកស្រាយ ដើម្បីបញ្ជាក់សមត្ថភាពអារ្យធម៌ខ្មែរ និងការចូលរួមជាសកលប្រកបដោយអត្ថន័យ។ ជាមួយគ្នានោះ លោកក៏បានបង្ហាញយ៉ាងច្បាស់ថាបញ្ញាសិប្បនិម្មិត(AI)មិនគួរគ្រប់គ្រងឬមាន អំណាចគ្រប់គ្រងលើមនុស្សទេ។ ផ្ទុយទៅវិញវាគួរតែត្រូវបានបង្រៀនឱ្យបម្រើមនុស្សជាតិ ដោយផ្អែក លើសីលធម៌ និងបញ្ញា។

លោកក៏បានបង្ហាញផងដែរ ពីការចងភ្ជាប់រវាងប្រវត្តិសាស្ត្រ វប្បធម៌ និងបច្ចេកវិទ្យា ដែលបង្ហាញ ថាការរួមចំណែករបស់កម្ពុជា ក្នុងសម័យបញ្ញាសិប្បនិម្មិត មិនពឹងផ្អែកតែនៅលើបច្ចេកវិទ្យានោះទេ ប៉ុន្តែជាការួមចំណែកដែលផ្អែកលើបញ្ញានិងសីលធម៌ ដែលបង្រៀនបច្ចេកវិទ្យាឱ្យមានមនុស្សធម៌ ឬក៏ឱ្យបច្ចេកវិទ្យាបម្រើមនុស្សជាតិ៕

ដោយ ៖ សិលា