ភ្នំពេញ៖ រថយន្តtoyota prius មួយគ្រឿងសង្ស័យអ្នកបេីកបរស្រវឹងបានបេីកជ្រុលទៅបុកនិងថ្មគល់ស្ពានអាកាសក្បាលថ្នល់ បណ្ដាលឲ្យរងការខូចខាតរថយន្តយ៉ាងដំណំ ។
ហេតុការណ៍នេះបានកើតឡើងនៅវេលាម៉ោង១១និង១០នាទីយប់ ថ្ងៃទី២០ខែតុលាឆ្នាំ២០២៥ ចំនុចគល់ស្ពានអាកាសក្បាលថ្នល់ ខាងជើង ផ្លូវព្រះនរោត្ដម សង្កាត់ទន្លេបាសាក់ ខណ្ឌចំការមន រាជធានីភ្នំពេញ ។
តាមប្រភពព័ត៌មាន ពីកន្លែងកើតហេតុ បានឲ្យដឹងថា មុនពេលកេីតហេតុ គេបានឃើញបុរសម្នាក់ បានបេីករថយន្តម៉ាក toyota prius ពណ៌ស ពាក់ស្លាកលេខ ភ្នំពេញ 2BE 7935 បានបេីកធ្វើដំណើរតាមបណ្ដោយផ្លូវ ព្រះនរោត្ដមទិសដៅ ពីជើងទៅត្បូង លុះមកដល់ចំណុចកេីតហេតុ ក៏រេចង្កូតជ្រុលទៅបុកនិងថ្មគល់ស្ពានអាកាសក្បាលថ្នល់ បណ្ដាលឲ្យរងការខូចខាតតិចតួច ចំណែករថយន្តវិញរងការខូចខាត ខ្ទេចខាងមុខចំហៀងខាងស្ដាំ បាក់កង់រទិលខាងស្តាំ ហេីយបន្តបេីកឡើងស្ពានបានពាក់កណ្តាល ទៅមុខលែងរួច ម្ចាស់រថយន្ត បានទុកចោលហើយគេចចេញទៅបាត់តែម្ដង ។
ក្រោយកេីតហេតុ នៅសល់តែរថយន្តដែររងការខូចខាត ត្រូវបានសមត្ថកិច្ចមូលដ្ឋានប្រគល់ឲ្យជំនាញចរាចរណ៍ក្រុងស្ទូចយកទៅរក្សាទុកនៅការិយាល័យនគរបាលចរាចរណ៍ផ្លូវគោករងចាំដំណោះស្រាយ ៕ដោយ៖សុខាសែនជ័យ
