មន្ត្រីសន្តិសុខជាន់ខ្ពស់អុីរ៉ង់បាននិយាយកាលពីថ្ងៃទី 20 ខែតុលាថា កិច្ចព្រមព្រៀងសហប្រតិបត្តិការរវាងទីក្រុងតេអេរ៉ង់ នឹងទីភ្នាក់ងារថាមពលបរមាណូអន្តរជាតិ (IAEA) ដែលសម្រេចបានក្នុងខែកញ្ញាគឺលែងមានសុពលភាពទៀតហើយ។

មន្ត្រីសន្តិសុខជាន់ខ្ពស់អុីរ៉ង់បាននិយាយកាលពីថ្ងៃទី 20 ខែតុលាថា កិច្ចព្រមព្រៀងសហប្រតិបត្តិការរវាងទីក្រុងតេអេរ៉ង់ នឹងទីភ្នាក់ងារថាមពលបរមាណូអន្តរជាតិ (IAEA) ដែលសម្រេចបានក្នុងខែកញ្ញា លែងមានសុពលភាពទៀតហើយ បន្ទាប់ពីប្រទេសបារាំង អង់គ្លេស និងអាល្លឺម៉ង់ ដែលជាក្រុម E3 បានធ្វើឱ្យសកម្មយន្តការ “ខ្ទាស់” ដើម្បីស្តារទណ្ឌកម្មរបស់អង្គការសហប្រជាជាតិ (UN) ប្រឆាំងនឹងអុីរ៉ង់។
យោងតាមទីភ្នាក់ងារសារព័ត៌មាន IRNA ក្នុងអំឡុងពេលសន្និសីទសារព័ត៌មានរួមគ្នាជាមួយសមភាគីអុីរ៉ាក់ Qasim al-Araji នៅទីក្រុង Tehran លេខាធិការនៃក្រុមប្រឹក្សាសន្តិសុខជាតិកំពូលរបស់អុីរ៉ង់ (SNSC) Ali Larijani បានអះអាងថា “ពួកគេមិនគួរធ្វើសកម្មភាពយន្តការ snapback ប្រសិនបើពួកគេចង់បានលទ្ធផលផ្សេង”។
Larijani បាននិយាយថា សំណើណាមួយពី IAEA ដើម្បីបន្តកិច្ចសហប្រតិបត្តិការនឹងត្រូវបានពិចារណានៅ SNSC ។
អុីរ៉ង់បានផ្អាកកិច្ចសហប្រតិបត្តិការជាមួយ IAEA ក្នុងខែមិថុនា ក្រោមច្បាប់សភា ដោយលើកឡើងពីការបរាជ័យរបស់ទីភ្នាក់ងារនេះ ក្នុងការថ្កោលទោសការវាយប្រហាររបស់អុីស្រាអែលនិងសហរដ្ឋអាមេរិកលើទីតាំងនុយក្លេអ៊ែររបស់ខ្លួន និងការព្រួយបារម្ភអំពីសុវត្ថិភាពរបស់អ្នកវិទ្យាសាស្ត្ររបស់ខ្លួន៕ ដោយធីរីណា