ខេត្តបាត់ដំបង ៖ កម្លាំងនគរបាលស្រុកមោងប្ញស្សី នៃស្នងការដ្ឋាននគរបាលខេត្តបាត់ដំបង បានឃាត់ខ្លួនជនសង្ស័យ០២នាក់ពាក់ព័ន្ធករណីរក្សាទុកដោយខុសច្បាប់នូវសារធាតុញៀន នៅថ្ងៃទី២១ ខែតុលា ឆ្នាំ២០២៥ វេលាម៉ោង១៣និង២០នាទី នៅចំណុចក្រុមទី១៨ ភូមិអង្រ្គង ឃុំជ្រៃ ស្រុកមោងឫស្សី ខេត្តបាត់ដំបង ។
ក្នុងប្រតិបត្តិការនេះ ដឹកនាំដោយលោកវរសេនីយ៍ឯក ស គឹឡង អធិការនគរបាលស្រុកមោងប្ញស្សី និងសហការជាមួយកម្លាំងផ្នែកប្រឆាំងគ្រឿងញៀន បានចុះប្រតិបត្តិការ បង្ក្រាបបានករណីរក្សាទុក ដោយខុសច្បាប់នូវសារធាតុញៀន ០១ករណី ឃាត់ខ្លួនជនសង្ស័យ ០២នាក់ ១-ឈ្មោះ សុខ សឿ ហៅជ្រុញ ភេទប្រុស អាយុ៣០ឆ្នាំ មានទីលំនៅភូមិអង្រ្គង ឃុំជ្រៃ ស្រុកមោងឫស្សី ខេត្តបាត់ដំបង និង២-ឈ្មោះ ពឿន ពុំ ភេទប្រុស អាយុ១៩ឆ្នាំ មានទីលំនៅភូមិអង្រ្គង ឃុំជ្រៃ ស្រុកមោងឫស្សី ខេត្តបាត់ដំបង នាំមកកាន់អធិការដ្ឋាននគរបាលស្រុកមោងប្ញស្សី។
វត្ថុតាងចាប់យកបានរួមមាន ៖ ថ្នាំញៀនប្រភេទមេតំហ្វេតាមីន (ម៉ាទឹកកក ICE) ចំនួន ០៣ថង់, ថង់សម្រាប់ច្រករំលែកថ្នាំញៀនមួយចំនួន, ដែកកេះចំនួន០១ និងទូរស័ព្ទដៃចំនួន ០២គ្រឿង ។
បច្ចុប្បន្ន កម្លាំងអធិការដ្ឋាននគរបាលស្រុកមោងប្ញស្សី កំពុងកសាងសំណុំរឿងបញ្ជូនទៅការិយាល័យជំនាញខេត្ត ដើម្បីចាត់វិធានការតាមនីតិវិធី៕
ដោយ ៖ ភារ៉ា ដង្កោ
