ប្រទេសឡាវ៖ សម្តេចតេជោ ហ៊ុន សែន នាយករដ្ឋមន្ត្រី នៃប្រទេសកម្ពុជា បានថ្លែងនៅក្នុងហ្វេសប៊ុកសម្តេចថា កិច្ចប្រជុំកំពូលអាស៊ាន ដែលកំពុងតែរៀបចំធ្វើនៅប្រទេសឡាវ នឹងត្រូវបញ្ចប់នារសៀលថ្ងៃទី៨ ខែកញ្ញា ឆ្នាំ២០១៦នេះ ហើយសម្តេចនឹងអញ្ជើញវិលត្រឡប់មកប្រទេសកម្ពុជាវិញនៅរសៀលថ្ងៃនេះ។

តាមការបញ្ជាក់របស់ផេកហ្វេសប៊ុកសម្តេចថា៖ «ការប្រជុំបានបន្តហើយនិងឈានទៅបញ្ចប់នៅរសៀលថ្ងៃនេះ។ ខ្ញុំនិងគណៈប្រតិភូកម្ពុជានឹងវិលត្រឡប់ទៅកម្ពុជាវិញនៅល្ងាចនេះ»៕