ខេត្តកំពង់ឆ្នាំង ៖ បុរសបានស្លាប់ និង៤នាក់ផ្សេងទៀតបារងរបួសធ្ងន់និងស្រាលនៅក្នុងហេតុការណ៍គ្រោះថ្នាក់ចរាចរណ៍ដែលបង្កឡើងដោយរថយន្តគេចគោយន្តក្រឡាប់ធ្លាក់ផ្លូវ ។ ហេតុការណ៍នេះកើតឡើងកាលពីវេលាម៉ោង៥និង៣០នាទីព្រឹកថ្ងៃទី០៨ ខែកញ្ញា ឆ្នាំ២០១៦ នៅលើកំណាត់ផ្លូវជាតិលេខ៥ ក្នុងភូមិក្បាលដំរី ឃុំត្រពាំងចាន់ ស្រុកបរិបូរណ៍ ខេត្តកំពង់ឆ្នាំង ។

សមត្ថកិច្ចឲ្យដឹងថា រថយន្តនេះម៉ាកតួយ៉ូតា តាកូម៉ា ពាក់ស្លាកលេខ ភ្នំពេញ 2AI-6578 ធ្វើដំណើរពីភ្នំពេញឆ្ពោះទៅប៉ៃលិន ។

ប្រភពនៅកន្លែងកើតហេតុឲ្យដឹងថា រថយន្តបង្ករនេះបើកបរក្នុងល្បឿនលឿន លុះទៅដល់ចំណុចកើតហេតុវាក់នឹងគោយន្តកន្ត្រៃ ហើយអ្នកបើកបរបានព្យាយាមទាញចង្កូតគេច បណ្តាលឲ្យគ្រលែងធ្លាក់មនុស្សស្លាប់និងរបួសតែម្តង ។

ប្រភពបានឲ្យដឹងទៀតថា រថយន្តនេះសង្ស័យដឹកពលករពីភ្នំពេញឆ្ពោះទៅកាន់ខេត្តប៉ៃលិន ក្រោយពេលកើតហេតុអ្នកបើកបរមិនបានឈប់នៅដោះស្រាយនិងយកជនរងគ្រោះទៅព្យាបាលនៅមន្ទីរឡើយ ដោយគេបានទុកអ្នកស្លាប់ចោលនៅកន្លែងកើតហេតុ ដោយឡែកអ្នករងរបួស៤នាក់ទៀតគេបានលើកដាក់លើរថយន្តបើកបន្តដំណើរទៅមុខទៀតយ៉ាងលឿនមិនរំខានដល់សមត្ថកិច្ចឡើយ ៕

ដោយ៖ ចន្ថា