ខេត្តកណ្តាល៖ លោកមេបញ្ជាការកងរាជអាវុធហត្ថក្រុងសំពៅពូន កាលពីថ្ងៃទី៥ ខែវិច្ឆិកា ឆ្នាំ២០២៥បានដឹកនាំកម្លាំងចុះបង្ក្រាបក្រុមជនសង្ស័យបាន៥នាក់ បន្ទាប់ពីទទួលបានព័ត៌មានពីប្រជាពលរដ្ឋថា មានករណី ជួញ ដូរដោយខុសច្បាប់នូវសារធាតុញៀន ស្ថិតក្នុងសង្កាត់សំពៅពូន ក្រុងសំពៅពូន ខេត្តកណ្តាល។
ប្រតិបត្តិការខាងលើនេះ ដោយមានការដឹកនាំចង្អុល បង្ហាញផ្ទាល់ពីលោកឧត្តមសេនីយ៍មេបញ្ជាការខេត្ត និងមានការសម្របសម្រួលនីតិវិធីពីលោកព្រះរាជអាជ្ញាអមសាលាដំបូងខេត្ត ទើបលោកមេបញ្ជាការកងរាជអាវុធ ហត្ថក្រុងសំពៅពូនដឹកនាំកម្លាំងជំនាញបានចុះដល់ទីកន្លែងជាក់ស្តែង ឃាត់ខ្លួនជនសង្ស័យ ចំនួន៥នាក់ យកមកអង្គភាពដើម្បីសាកសួរ។
វត្ថុតាងចាប់យករួមមាន៖ ថ្នាំញៀន(ម៉ាទឹកកក) ៣០កញ្ចប់, ទូរស័ព្ទ ០៦គ្រឿង, សម្ភារៈប្រើប្រាស់ និង វេចខ្ចប់គ្រឿងញៀនមួយចំនួន។
បន្ទាប់មកជនសង្ស័យ និងវត្ថុតាង សមត្ថកិច្ចកងរាជអាវុធហត្ថខេត្តកណ្តាល បានកសាងសំណុំរឿង បញ្ជូនទៅសាលាដំបូងខេត្តតាមនីតិវិធី។
បច្ចុប្បន្ននេះ ក្រុមជនសង្ស័យទាំង៥នាក់ខាងលើ ត្រូវបានសាលាដំបូងខេត្តកណ្ដាលចេញដីការបង្គាប់ឱ្យឃុំខ្លួនបណ្ដោះអាសន្នហើយ៕
