សហព័ន្ធកីឡាបាល់ទាត់អាហ្រ្វិកបាននិយាយកាលពីថ្ងៃអាទិត្យថាកីឡាករ Achraf Hakimi, Mohamed Salah និង Victor Osimhen នឹងចូលរួមប្រកួតប្រជែងពានរង្វាន់កីឡាករបាល់ទាត់ឆ្នើមរបស់ទ្វីបអាហ្រ្វិក(CAF Player of the Year) ចុងក្រោយបីនាក់។

ខ្សែការពារHakimi ដែលជាប្រធានក្រុមម៉ារ៉ុកបានគ្រងដំណែងរដូវកាលជាប្រវត្តិសាស្ត្រដោយការឈ្នះពានរង្វាន់ Champions League ជាមួយ Paris Saint-Germain ជាលើកដំបូងក្នុងប្រវត្តិសាស្ត្រក្លឹប រួមជាមួយនឹងលីគបារាំង បារាំងCup និង European Super Cup ។

Mohamed Salah របស់អេហ្ស៊ីបបានដើរតួយ៉ាងសំខាន់ក្នុងការឈ្នះពានអង់គ្លេស Premier League របស់ Liverpool កាលពីរដូវកាលមុន ដោយស៊ុតបញ្ចូលទីបាន 29 គ្រាប់ ដើម្បីដណ្តើមបានទាំងស្បែកជើងមាស និងពានរង្វាន់ Playmaker ។ កីឡាករវ័យ 33 ឆ្នាំរូបនេះក៏បានឈ្នះពានរង្វាន់ PFA Player of the Year និងកំពុងដេញយកពាន CAF លើកទី 3 របស់គាត់បន្ទាប់ពីទទួលបានពាននេះក្នុងឆ្នាំ 2017 និង 2018 រួចហើយ។

ខ្សែប្រយុទ្ធសញ្ជាតិនីហ្សេរីយ៉ា Victor Osimhen បានជួយ Galatasaray គ្រងជើងឯកលីគ និង Cup ពីរដងក្នុងប្រទេសទួរគី ដោយបញ្ចប់ក្នុងនាមជាអ្នកស៊ុតបញ្ចូលទីច្រើនជាងគេក្នុងលីគ បាន26 គ្រាប់។ Osimhen ធ្លាប់ឈ្នះពានរង្វាន់នៅឆ្នាំ 2023 ដែលជាឆ្នាំដដែល Hakimi បានបញ្ចប់ចំណាត់ថ្នាក់លេខពីរ៕