ភ្នំពេញ៖ បុរសម្នាក់បេីករថយន្តម៉ាក RANG ROVER ក្នុងស្ថានភាពស្រវឹងបានជ្រុលទៅបុកគល់ស្ពានអាកាសមរតកតេជោបណ្ដាលឲ្យរថយន្តក្រឡាប់ជាច្រើនត្រឡប់រងការខូចខាតនិងរបួសអ្នកបេីកបរ។
ហេតុការណ៍នេះបានកើតឡើងនៅវេលាម៉ោង១និង៣០នាទីថ្ងៃទី២២ខែវិច្ឆិកាឆ្នាំ២០២៥ នៅចំណុចគល់ស្ពានអាកាសមរតកតេជោត្រេីយខាងជើង ផ្លូវព្រះមុនីវង្ស សង្កាត់ផ្សារដើមថ្កូវ ខណ្ឌចំការ
មន ។
តាមប្រភពពីកន្លែងកើតហេតុបានឲ្យដឹងថា មុនពេលកេីតហេតុ គេបានឃើញបុរសម្នាក់បេីករថយន្តម៉ាក RANG ROVER ពណ៌ខ្មៅ ពាក់ស្លាកលេខ ភ្នំពេញ 2BX- 7799 បោះពួយតាមបណ្ដោយផ្លូវព្រះមុនីវង្សក្នុងទិសដៅពីជេីងទៅត្បូងដោយល្បឿនលឿន លុះមកដល់ចំណុចកេីតហេតុ ដោយសង្ស័យថាអ្នកបេីកបរស្រវឹងទើបធ្វើឲ្យរថយន្តជ្រុលទៅបុកគល់ស្ពានអាកាសមរតកតេជោ បណ្ដាលឲ្យរថយន្តក្រឡាប់ជាច្រើនត្រឡប់រងការខូចខាត ព្រមទាំងធ្វើឲ្យបុរសជាអ្នកបេីកបររបួសផ្ទៃមុខហូរឈាម ត្រូវបានបងប្អូនប្រជាពលរដ្ឋជួយទាញយកចេញពីក្នុងរថយន្ត ហើយដឹកតាមម៉ូតូកង់បីយកទៅសង្គ្រោះនៅមន្ទីរពេទ្យ ។
ដោយឡែកចំពោះរថយន្តវិញមានការខូចខាតផ្នែកខាងមុខយ៉ាងដំណំ រីឯថ្មគល់ស្ពានខូចខាតតិចតួចតែប៉ុណ្ណោះ ។
ក្រោយកេីតហេតុ នៅសល់តែរថយន្តត្រូវសមត្ថកិច្ចជំនាញចរាចរណ៍ស្ទូចយកទៅរក្សាទុកនៅការិយាល័យនគរបាលចរាចរណ៍ផ្លូវគោក រង់ចាំដោះស្រាយនៅពេលក្រោយ ៕ដោយ៖សុខាសែនជ័យ
