ខេត្តកំពត៖ លោក កើត ឆែ អភិបាលរងខេត្តកំពត នៅព្រឹកថ្ងៃអាទិត្យទី២៣ ខែវិច្ឆិកា ឆ្នាំ២០២៥នេះ បានលើកឡើងតាមរយៈហ្វេសប៊ុកផ្លូវការរបស់លោកថា៖ ផែកំពង់កណ្តាល ក្រុងកំពត ជាកន្លែងដែលប្រមូលផ្តុំទៅដោយគ្រឿងសមុទ្រស្រស់ៗ ទើបលើកចេញពីទូកនេសាទផ្ទាល់ បងប្អូនអាចរកទិញបាន។
លោកអភិបាលរងខេត្តរូបនេះ បានសរសេរបញ្ជាក់ថា បងប្អូនអាចរកទិញគ្រឿងសមុទ្រស្រស់ៗ ចាប់ពីម៉ោង ៣ទៀបភ្លឺ រហូតដល់ម៉ោង ៧ព្រឹក ដែលមានទីតាំងស្ថិតតាមបណ្តោយផ្លូវមាត់ព្រែកកំពត ក្នុងភូមិសុវណ្ណសាគរ សង្កាត់កំពង់កណ្តាល ក្រុងកំពត ខេត្តកំពត៕
ដោយ៖តារា
