ខេត្ត​ព្រះសីហនុ​៖​ នាវាទេសចរណ៍ ឈ្មោះ NORWEGIAN សញ្ជាតិ BAHAMAS ដែលមានប្រវែងបណ្តោយ ២៦៨,២៩ ម៉ែត្រ ប្រវែងទទឹង ៣២,២០ ម៉ែត្រ ជម្រៅ ៨,៤ ម៉ែត្រ នៅថ្ងៃទី២៧ ខែវិច្ឆិកា ឆ្នាំ២០២៥​បានចូលចតនៅ ក.ស.ស. ដោយសុវត្ថិភាព ក្នុងគោលបំណងមកទស្សនាប្រទេសកម្ពុជា រយៈ ពេល ១ថ្ងៃ បន្ទាប់ពីចេញដំណើរមកពីប្រទេសចិន។ នេះបេីយោង​ប្រភពព័ត៌មាន​ពី​ Sihanoukville Autonomous Port (PAS)។ 

នាវាទេសចរណ៍នេះ មាននាវិកសរុបចំនួន ៨៦៤ នាក់ (ស្រី ១៩១ នាក់) មាន ៤៨ សញ្ជាតិ។ និងមានភ្ញៀវទេសចរណ៍សរុបចំនួន ១,៨៧៧ នាក់ (ស្រី ១,០៣៩ នាក់) មាន ៥២ សញ្ជាតិ។ 

ក្នុងនោះចំនួនសញ្ជាតិដែលមានភ្ញៀវច្រើនជាងគេ គឺចិន (៨២៩ នាក់) កាណាដា (២៦១ នាក់) និងអង់គ្លេស (១៥៩ នាក់) ហើយនាវាទេសចរណ៍នេះ នឹងចាកចេញទៅប្រទេសថៃ នៅវេលាម៉ោង ១៦:៣០ នាទី នៅថ្ងៃដដែល៕ដោយ​៖តារា​