ខេត្តស្វាយរៀង: តុលាការខេត្តស្វាយរៀងបញ្ជូនជនសង្ស័យ៨នាក់ដាក់ពន្ធនាគារបណ្ដោះអាសន្ន ពាក់ព័ន្ធករណីសម្រួលទីតាំងរក្សាទុកជួញដូរចែកចាយ និងប្រើប្រាស់គ្រឿងញៀនខុសច្បាប់។
តាមការអោយដឹង ពីសមត្ថកិច្ចនគរបាលខេត្ត បានអោយដឹងនារសៀលថ្ងៃទី២៨ខែវិច្ឆិកាឆ្នាំ២០២៥នេះថាជនសង្ស័យមានទី១ ឈ្មោះមាស បញ្ញា (ហៅអាបញ្ញា) ភេទប្រុស អាយុ៣៣ឆ្នាំ មុខរបរ មិនពិតប្រាកដ មានទីលំនៅភូមិព្រែកលួង ឃុំព្រែកតាទេព ស្រុកខ្សាច់កណ្តាល ខេត្តកណ្តាល បានឆែកឆេរលើដងខ្លួនមានម្សៅក្រាម ពណ៌សថ្លា សង្ស័យជាគ្រឿងញៀន ចំនួន ០៨កញ្ចប់។
២. ឈ្មោះ ហែម ចន្ធី(ហៅក្រៅស្រីដា) ភេទ ស្រី អាយុ១៩ឆ្នាំ មុខរបរ មិនពិតប្រាដក មានទីលំនៅភូមិជៃ ឃុំកំពង់ចម្លង ស្រុកស្វាយជ្រំ ខេត្តស្វាយរៀង បានឆែកឆេរលើដងខ្លួន មានទូរស័ព្ទ ០១គ្រឿង ម៉ាក I Phone5 ។
៣.ឈ្មោះ ចាន់ ម៉ាដាវីត (ហៅក្រៅ គ្មាន)ភេទប្រុស អាយុ ១៨ ឆ្នាំ មុខរបរមិនពិតប្រាកដ មានទីលំនៅភូមិថ្មី ឃុំ សំបួរ ស្រុកស្វាយទាប ខេត្តស្វាយរៀង បានឆែកឆេរលើដងខ្លួនមានទូរស័ព្ទ០១គ្រឿងម៉ាក I Phone 7។
៤. ឈ្មោះ ផាត់ សុផាន់និត(ហៅក្រៅគ្មាន) ភេទ ប្រុស អាយុ១៩ឆ្នាំ មុខរបរមិនពិតប្រាកដ មានទីលំនៅភូមិថ្មី ឃុំ សំបួរ ស្រុកស្វាយទាបខេត្តស្វាយរៀង បានឆែកឆេរលើដងខ្លួន គ្មាន។
៥.ឈ្មោះមាស ណាត (ហៅក្រៅអាគ្រាក់)ភេទប្រុស អាយុ១៨ឆ្នាំ មុខរបរមិនពិតប្រាកដ មានទីលំនៅភូមិទួលអង្គប់ ឃុំ សំបួរ ស្រុកស្វាយទាបខេត្តស្វាយរៀង បានឆែកឆេរលើដងខ្លួន គ្មាន ។
ទី៦ឈ្មោះ សង្ហា ចន្ថា ភេទប្រុស អាយុ២៦ឆ្នាំ មុខរបរមិនពិតប្រាកដ រស់នៅភូមិព្រៃតាធឹក ឃុំគគីសោម ស្រុកស្វាយទាប ខេត្តស្វាយរៀង ឆែកឆេលើដងខ្លួនឃើញមាន ម្សៅក្រាមសថ្លាសង្ស័យគ្រឿងញៀនចំនួន៣០កញ្ចប់ និងទូរសព្ទ០២គ្រឿង ម៉ាកTecno Spark ០១ គ្រឿង នឹង ម៉ាកVivo ០១គ្រឿងនឹងម៉ូតូ ០១គ្រឿង ម៉ាក Winner។
ទី៧ ឈ្មោះ សួន សាន់ដា ភេទប្រុស អាយុ២៥ឆ្នាំ មុខរបរ កម្មករសំណង់ មានទីលំនៅភូមិព្រៃតាធឹក ឃុំគគីសោម ស្រុកស្វាយទាបខេត្តស្វាយរៀង ឆែកឆេរលើដងខ្លួនឃើញមានទូរស័ព្ទ ០១គ្រឿង។
និងទី៨ មានឈ្មោះ សួន កុសល (ហៅក្រៅអាមឹក) ភេទ ប្រុស អាយុ ២៣ ឆ្នាំ មុខរបរមិនពិតប្រាកដ (នៅចំណុចភូមិដើមពោធិ៍ ឃុំកណ្តៀងរាយ) មានទីលំនៅភូមិព្រៃស្ទាង ឃុំស្វាយតាយាន ស្រុកកំពង់រោទិ៍ ខេត្តស្វាយរៀង ឆែកលើដងខ្លួនឃើញមាន ម្សៅក្រាមសរថ្លាសង្ស័យជាគ្រឿងញៀនចំនួន ០១ កញ្ចប់ ទូរស័ព្ទដៃចំនួន ០១គ្រឿង ម៉ាកTecno Spark ។
ប្រភពបន្តថា ដោយមានការចង្អុលដឹកនាំដ៏ខ្ពង់ខ្ពស់ពីលោកឧត្តមសេនីយ៍ទោ ពេជ្រ វីរៈ ស្នងការនគរបាលខេត្តស្វាយរៀងអនុវត្តតាមបទបញ្ជារបស់លោកឧត្តមសេនីយ៍ត្រី កែវ សុថា ស្នងការរងទទួលការងារប្រឆាំងគ្រឿងញៀនកម្លាំងនគរបាលស្រុកស្វាយទាប បានធ្វើការបង្ក្រាបករណីសម្រួលទីតាំងរក្សាទុកជួញដូរចែកចាយ និងប្រើប្រាស់គ្រឿងញៀនខុសច្បាប់។
កាលពីថ្ងៃទី ២១. ២២ ខែវិចិ្ឆកា ឆ្នាំ ២០២៥(ក្នុងថ្ងៃទី២១ វេលាម៉ោង ១០ និង៣០នាទី) មានប្រជាពលរដ្ឋរាយការណ៍មកសមត្ថកិច្ចថាមានជនសង្ស័យកំពុងជួញដូរនិងប្រើប្រាស់គ្រឿងញៀន នៅចំណុចភូមិ ថ្មី ឃុំ សំបួរ ស្រុកស្វាយទាប ខេត្តស្វាយរៀង ។
ក្រោយពីទទួលបានពត៌មានភ្លាម ដោយមានការដឹកនាំបញ្ជាផ្ទាល់ពី លោកអនុសេនីយ៍ឯក សុិន ពិសី អធិការនគរបាលស្រុកស្វាយទាប (ស្តីទី) បានបញ្ជាឲកម្លាំង
ជំនាញស្រុកដឹកនាំដោយលោកវរសេនីយ៍ត្រី អ៊ុក សុធារ៉ា អធិការរងទទួលការងារប្រឆាំងគ្រឿងញៀនសហការណ៏ជាមួយកម្លាំងនគរបាលរដ្ឋបាលឃុំសំបួរ បានចុះធ្វើការ ស្រាវជ្រាវរហូតឈានដល់ការ បង្ក្រាប ជនសង្ស័យចំនួន០៥នាក់ និងបន្តឈានទៅរកការឃាត់ខ្លួនបាន៣នាក់ទៀតផងដែរ។
ដោយមានការឯកភាព ពី លោកព្រះរាជអាជ្ញាអមសាលាដំបូងខេត្តស្វាយរៀង សមត្ថកិច្ចបានឃាត់ខ្លួនជនសង្ស័យចំនួន០៨នាក់ នៅអធិការដ្ឋាននគរបាលស្រុកស្វាយទាប
ដកហូតសម្ភារៈវត្ថុតាងផងដែរ។
