ភ្នំពេញ៖ រថយន្តតូយ៉ូតាព្រុស២គ្រឿងបេីកខ្វះការប្រុងប្រយ័ត្ននៅផ្លូវបំបែកជាបួនក៏ជ្រុលទៅបុកគ្នាយ៉ាងពេញទំហឹងបណ្ដាលឲ្យរងការខូចខាតរថយន្តទាំងសងខាង ។
ហេតុការណ៍នេះបានកើតឡើងនៅវេលាម៉ោង១២និង៣០នាទី រំលងអាធ្រាត្រចូលថ្ងៃទី១៣ខែធ្នូឆ្នាំ២០២៥ ចំនុចផ្លូវ៦៣កែងផ្លូវ២៨៤ សង្កាត់បឹងកេងកងទី១ ខណ្ឌបឹងកេងកង ។
តាមប្រភពព័ត៌មាន ពីកន្លែងកើតហេតុ បានឲ្យដឹងថា មុនពេលកេីតហេតុ គេបានឃើញបុរសបានបេីករថយន្តម៉ាក តូយ៉ូតាព្រុស ពណ៌ប្រផេះ ពាក់ស្លាកលេខ ភ្នំពេញ 2AZ 3863 បេីកធ្វើដំណើរតាមបណ្ដោយផ្លូវ ២៩៤ទិសដៅពី កេីតទៅលិច លុះមកដល់ចំណុចកេីតហេតុ ដែលជាផ្លូវបំបែកជាបួន ក៏ស្រាប់តែបុរសម្នាក់ទៀត បានបេីករថយន្តម៉ាកតូយ៉ូតាព្រុស ពណ៌ខ្មៅ ពាក់ស្លាកលេខ ភ្នំពេញ 2BW 3324 បោះពួយតាមបណ្ដោយផ្លូវ៦៣ទិសដៅពីជេីងទៅត្បូង ល្បឿនលឿនដូចគ្នា ហើយខ្វះការប្រុងប្រយ័ត្នដូចគ្នា ក៏ជ្រុលទៅបុកនិងរថយន្តតូយ៉ូតាព្រុស ពណ៌ប្រផេះ បណ្ដាលឲ្យរងការខូចខាតផ្នែកខាងមុខចំហៀងខាងស្ដាំ ។
ចំណែករថយន្តតូយ៉ូតាព្រុស ពណ៌ខ្មៅ រងការខូចខាតផ្នែកខាងមុខចំហៀងខាងឆ្វេង ហើយអ្នកបេីកបរចុះគេចទៅបាត់ដោយមិនមានដំណោះស្រាយនោះទេ ។
ក្រោយកេីតហេតុ រថយន្តទាំង២គ្រឿងត្រូវសមត្ថកិច្ចជំនាញចរាចរណ៍វាស់វែងយកទៅរក្សាទុកនៅការិយាល័យនគរបាលចរាចរណ៍ផ្លូវគោក រងចាំដំណោះស្រាយ ៕
ដោយ៖សុខាសែនជ័យ
