ខេត្តបន្ទាយមានជ័យ៖ ឆាបឆេះធុងសាំងផ្ទះលក់ចាប់ហួយបង្កឡើងជាអគ្គិភ័យ បណ្តាលឲ្យខូចខាតទ្រព្យសម្បត្តិអស់មួយចំនួន តែសំណាងល្អមិនរាលដាលដល់លំនៅដ្ឋាន និងរបួសមនុស្សនោះទេ។
ករណីអគ្គិភ័យឆាបឆេះធុងសាំងកើតឡើងនៅវេលាម៉ោង១៨ និង២០នាទីយប់ថ្ងៃទី១១ ខែកញ្ញា ឆ្នាំ២០១៦ នៅចំណុចមុខវត្តផ្សារកណ្តាល ភូមិផ្សារកណ្តាល សង្កាត់ផ្សារកណ្តាល ខេត្តបន្ទាយមានជ័យ។
ម្ចាស់ផ្ទះមានឈ្មោះ តឿន នាង ភេទ ស្រី អាយុ ៣៦ ឆ្នាំ រស់នៅភូមិ-ឃុំកើតហេតុខាងលើ។
មូលហេតុបណ្តាលមកពីគាត់កំពុងតែដាំស្ល ពេលនោះប្តីរបស់គាត់បានបូមសាំងដាក់ដបសម្រាប់លក់ក៏បណ្តាលឲ្យមានអគ្គិភ័យឆាបឆេះតែម្តង៕
ដោយ៖ វណ្ណា
...
