ក្លឹប Crystal Palace បានចុះហត្ថលេខាលើខ្សែបម្រើស្លាបសញ្ជាតិវេល Brennan Johnson ពីក្លឹប Tottenham Hotspur ក្នុងកិច្ចសន្យារយៈពេល 4 ឆ្នាំកន្លះសម្រាប់តម្លៃផ្ទេរគឺខ្ពស់បំបែកកំណត់ត្រារបស់ក្លឹប។

ព័ត៌មានលម្អិតផ្នែកហិរញ្ញវត្ថុមិនត្រូវបានបង្ហាញឱ្យដឹងទេ ប៉ុន្តែប្រព័ន្ធផ្សព្វផ្សាយរបស់អង់គ្លេសបានរាយការណ៍ថា Palace បានចុះហត្ថលេខាលើ Johnson ក្នុងតម្លៃ 35 លានផោន (47.16 លានដុល្លារ) ។

ក្រុមPalace ដែលជាក្រុមឈរលេខរាងទី 10 ក្នុងក្របខណ្ឌ Premier League បាននិយាយថា Johnson នឹងមានសិទ្ធិបង្ហាញខ្លួនជាលើកដំបូងរបស់គាត់នៅទឹកដី Newcastle United នៅថ្ងៃអាទិត្យ។

លោក Oliver Glasner គ្រូបង្វឹករបស់ក្លឹប Palace បាននិយាយនៅក្នុងសេចក្តីថ្លែងការណ៍មួយថា “ខ្ញុំពិតជារីករាយណាស់ដែល Brennan បានចូលរួមជាមួយក្លឹប។ គាត់បានមកដល់លឿនណាស់នៅក្នុងពេលបើកទីផ្សារដូច្នេះសូមសរសើរដល់ក្លឹបសម្រាប់ការធ្វើឱ្យរឿងនេះកើតឡើងយ៉ាងឆាប់រហ័ស។ Brennan នឹងផ្តល់ឱ្យយើងនូវជម្រើសក្នុងការលេងប្រយុទ្ធរបស់យើងជាមួយនឹងល្បឿន និងសមត្ថភាពស៊ុតបញ្ចូលទីរបស់គាត់ ហើយសម្រាប់ការប្រកួតនាពេលខាងមុខគាត់នឹងក្លាយជាកំលាំងបន្ថែមដ៏មានតម្លៃសម្រាប់ក្រុម”៕