ភ្នំពេញ ៖ បុរសម្នាក់ជិះម៉ូតូតាមដងផ្លូវត្រូវរថយន្តដឹកអ្នកដំណើរ បេីកបុកពីក្រោយ នឹង កិនបណ្តាលឲ្យស្លាប់ភ្លាមៗ កាលពីវេលាម៉ោង៥ នឹង ១០នាទីទៀបភ្លឺ ថ្ងៃទី០៥ ខែមករា ឆ្នាំ២០២៦ ស្ថិតតាមបណ្ដោយមហាវិថីព្រះមុនីវង្ស (មុខស្ថានទូតបារាំង) សង្កាត់ស្រះចក ខណ្ឌដូនពេញ រាជធានីភ្នំពេញ ។
តាមប្រភពព័ត៌មានបានឲ្យដឹងថា មុនពេលកេីតហេតុគេបានឃើញ បុរសម្នាក់ជិះម៉ូតូ មួយគ្រឿង ម៉ាក HONDA Dream ពាក់ស្លាកលេខ ភ្នំពេញ 1Y-5498 ធ្វើដំណើរតាមបណមតោយផ្លូវមហាវិថីព្រះមុនីវង្ស ក្នុងទិសដៅពីជេីងទៅត្បូងលុះពេលមកដល់ចំណុចកើតហេតុ ក៏ស្រាប់តែមានរថយន្ដដឹកអ្នកដំណេីរធន់ធំ មិនចាំស្លាកលេខ បានបេីកបុកពីក្រោយយ៉ាងពេញទំហឹងហេីយថែមទាំងកិនទៀត បណ្តាលឲ្យស្លាប់យ៉ាងអនោចអធ័ម។ ភ្លាមៗនោះរថយន្ដបានបេីកគេចខ្លួនបាត់ស្រមោល ។
ក្រោយកេីតហេតុ សមត្ថកិច្ចជំនាញចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញ ចុះមកធ្វេីការវាស់វែងយកម៉ូតូទៅរក្សាទុកជាបណ្ដោះអាសន្ន និងធ្វើការស្រាវជ្រាវរករថយន្តបង្កធ្វើការដោះស្រាយតាមផ្លូវច្បាប់។ ចំណែកឯសពជនរងគ្រោះសមត្ថកិច្ចធ្វើលិខិតប្រគល់ឲ្យសាច់ញាតិយកទៅធ្វើបុណ្យតាមប្រពៃណី ៕
អត្ថបទ ៖ សុខាសែនជ័យ
