អ្នកចាត់ការក្រុម Crystal Palace លោក Oliver Glasner បានបញ្ជាក់ថា លោកនឹងចាកចេញពីក្លឹបនៅចុងបញ្ចប់នៃរដូវកាលនេះ ដើម្បីស្វែងរក “ការប្រកួតប្រជែងថ្មី” ។

អ្នកចាត់ការសញ្ជាតិអូទ្រីសដែលបានដឹកនាំក្រុមឥន្ទ្រីឱ្យឈ្នះពានរង្វាន់ធំជាលើកដំបូងរបស់ពួកគេគឺពានរង្វាន់ FA Cup កាលពីរដូវកាលមុននោះ នឹងត្រូវផុតកុងត្រានៅក្នុងខែមិថុនា។

ជ័យជម្នះនោះមានន័យថា Glasner ក៏បានចូលដឹកនាំក្រុម Palace ក្នុង Conference League រដូវកាលនេះ ដែលជាបទពិសោធន៍ដំបូងរបស់ពួកគេក្នុងការប្រកួតអឺរ៉ុបដ៏សំខាន់មួយ ខណៈដែលពួកគេបានផ្តួល Liverpool ដោយបាល់ប៉េណាល់ទីក្នុងការប្រកួត Community Shield កាលពីខែសីហា។

ប្រភពបានប្រាប់ BBC Sportថាលោក Glasner ត្រូវបានផ្តល់ជូនកិច្ចសន្យាថ្មីកាលពីរដូវក្តៅមុន ប៉ុន្តែគាត់បានបញ្ជាក់កាលពីថ្ងៃសុក្រថាគាត់បានជូនដំណឹងដល់ប្រធាន Steve Parish ថាគាត់នឹងមិនចុះហត្ថលេខាលើកិច្ចសន្យាថ្មីនៅក្នុងខែតុលាទេ។

ដំណឹងនេះកើតឡើងស្របពេលជាមួយនឹងប្រធានក្រុម Palace កីឡាករ Marc Guehi នឹងផ្លាស់ទៅកាន់ Manchester City តែលោក Glasner ទទូចថាការចាកចេញរបស់គាត់មិនមានពាក់ព័ន្ធនឹងការសម្រេចចិត្តផ្ទេរក៏ដោយ។

Glasner បាននិយាយថា “ការសម្រេចចិត្តមួយត្រូវបានធ្វើឡើងរួចហើយកាលពីខែមុន។ ខ្ញុំបានជួបជាមួយ Steve [Parish] នៅក្នុងខែតុលា នៅពេលសម្រាកអន្តរជាតិ។ យើងបាននិយាយគ្នាយូរណាស់មកហើយ ហើយខ្ញុំបានប្រាប់គាត់ថា ខ្ញុំនឹងមិនចុះកិច្ចសន្យាថ្មីទេ។ យើងបានយល់ព្រមនៅពេលនោះ វាជាការល្អបំផុតក្នុងការរក្សាវារវាងពួកយើង។ វាជាការល្អបំផុតដែលយើងអាចធ្វើវាបាន ហើយរក្សាវាទុកជាសម្ងាត់រយៈពេល 3 ខែ។ ប៉ុន្តែឥឡូវនេះ វាជារឿងសំខាន់ដើម្បីឱ្យមានភាពច្បាស់លាស់ ហើយយើងមានកាលវិភាគដ៏មមាញឹក ដូច្នេះហើយបានជាយើងមិនចង់និយាយអំពីវា។ Steve និងខ្ញុំចង់បានតែរឿងល្អបំផុតសម្រាប់ Crystal Palace”៕