ក្លឹបនានាជុំវិញពិភពលោកបានបញ្ចប់ការផ្ទេរកីឡាករអន្តរជាតិចំនួន 24,558ករណី នៅក្នុងពិភពបាល់ទាត់បុរសក្នុងឆ្នាំ 2025 ជាមួយនឹងការចំណាយសរុបកើនឡើងដល់ 13.08 ពាន់លានដុល្លារអាមេរិក នេះបើតាមការបញ្ជាក់របស់ស្ថាប័នគ្រប់គ្រងបាល់ទាត់ពិភពលោក FIFA បាននិយាយនៅក្នុងរបាយការណ៍ផ្ទេរសកលរបស់ខ្លួនដែលបានចេញផ្សាយកាលពីថ្ងៃពុធ។

ចំនួននេះតំណាងឱ្យការកើនឡើងជាង 7% ពីឆ្នាំ 2024 ហើយវាក៏ជាបរិមាណខ្ពស់បំផុតនៃការផ្ទេរកីឡាករបាល់ទាត់អន្តរជាតិដែលមិនធ្លាប់មាន។

បើនិយាយនៅគ្រប់កម្រិតទាំងអស់នៃការប្រកួត – បាល់ទាត់អាជីពបុរស និងស្ត្រី ក៏ដូចជាបាល់ទាត់ស្ម័គ្រចិត្ត – FIFA បាននិយាយថាការផ្ទេរកីឡាករអន្តរជាតិចំនួន 86,158 នាក់ត្រូវបានបញ្ចប់នៅឆ្នាំ 2025 ។

ក្នុងចំណោមកិច្ចព្រមព្រៀងថ្លៃបំផុតប្រចាំឆ្នាំគឺការផ្ទេររបស់ខ្សែបម្រើអាឡឺម៉ង់ Florian Wirtz ពីក្លឹប Bayer Leverkusen របស់ Bundesliga ទៅក្លឹបជើងឯក Premier Leagueហង្សក្រហម Liverpool ដែលជាការផ្ទេរមួយក្នុងចំណោមការផ្ទេរជាច្រើនពាក់ព័ន្ធនឹងក្លឹបធំៗនៅអឺរ៉ុប។

ការផ្ទេរអន្តរជាតិកំពូលទាំងប្រាំក៏មានលក្ខណៈពិសេសផងដែរគឺ Hugo Ekitike (Eintracht Frankfurt ទៅ Liverpool), Jhon Duran (Aston Villa ទៅ Al-Nassr), Benjamin Sesko (RB Leipzig ទៅ Manchester United) និង Nick Woltemade (VfB Stuttgart ទៅ Newcastle United) ។

បាល់ទាត់នារីបានឃើញកំណើនដ៏សំខាន់មួយទៀត ជាមួយនឹងការផ្ទេរអន្តរជាតិចំនួន 2,440 ត្រូវបានបញ្ចប់នៅឆ្នាំ 2025 ពោលគឺកើនឡើងជាង 6% ធៀបនឹងឆ្នាំមុន។ ការចំណាយផ្ទេរសរុបឈានដល់កំណត់ត្រា 28.6 លានដុល្លារ ច្រើនជាង 80% ខ្ពស់ជាងឆ្នាំ 2024 ។ ការផ្ទេរដ៏លេចធ្លោមួយគឺភាគីក្លឹបអាមេរិក Orlando Pride ចុះហត្ថលេខាលើខ្សែបម្រើស្លាបម៉ិកស៊ិក Lizbeth Ovalle ពីក្លឹប Tigres នៅ Liga MX Femenil ក្នុងតម្លៃផ្ទេរកំណត់ត្រាពិភពលោករបស់ស្ត្រីចំនួន 1.5 លានដុល្លារ៕