ខេត្តកំពង់ស្ពឺ÷ កន្លែងលក់វត្ថុអនុស្សាវរីយ៍មួយកន្លែងត្រូវបានការិយាល័យប្រឆាំងបទល្មើសសេដ្ឋកិច្ចត្រួតពិនិត្យនៅព្រឹកថ្ងៃទី៣ ខែកុម្ភៈ ឆ្នាំ២០២៦ ដោយបានការបញ្ជាដឹកនាំពីលោកឧត្ដមសេនីយ៍ទោ ឃឹម សុកខៃ ស្នងការនគរបាលខេត្ដកំពង់ស្ពឺ កម្លាំងការិយាល័យនគរបាលប្រឆាំងបទល្មើសសេដ្ឋកិច្ចបានកិច្ចសហការជាមួយសាខា ក.ប.ប.ខេត្តកំពង់ស្ពឺ ចុះត្រួតពិនិត្យទីតាំងហាងលក់វត្ថុអនុស្សាវរីយ៍និងសម្ភារៈប្រើប្រាស់មួយកន្លែងដែលមានស្លាកយីហោ ហាងកាដូ ស្ថិតនៅភូមិទួលគក សង្កាត់ស្វាយក្រវាន់ ក្រុងច្បារមន ខេត្តកំពង់ស្ពឺ ។
ក្នុងការចុះប្រតិបត្ដិការនេះសមត្ថកិច្ចបានរកឃើញផលិតផលមួយចំនួនមានកាលបរិច្ឆេទហួសសុពលភាពប្រើប្រាស់រួមមាន៖
-ម្សៅម៉ាក Phaesaj ចំនួន ១០៥ កំប៉ុង ស្មើនឹង២១ kgs
-ផលិតផលលញ់ក្លៀកម៉ាក Dove ចំនួន៥៨ដប និងម៉ាកNivea ចំនួន ១២ដប។
វិធានការ ៖ ផលិតផលហួសសុពលភាពប្រើប្រាស់ខាងលើត្រូវបានសាខា ក.ប.ប ខេត្តកំពង់ស្ពឺដកហូតដើម្បីបំផ្លាញចោល។
សមត្ថកិច្ចសំណូមពរស្នេីសុំដល់អាជីវករមេត្ដានាំគ្នាបញ្ឈប់ការលក់ឬចែកចាយផលិតផលដែលមិនមានប្រភពច្បាស់លាស់ ទំនិញខុសច្បាប់ និងជិតហួសសុពលភាពដែលនាំអោយ
អ្នកប្រេីប្រាស់ខាតបង់ប្រាក់កាស និងប៉ះពាល់ធ្ងន់ធ្ងរដល់សុខភាពប្រជាពលរដ្ឋ លេីសពីការអនុវត្ដច្បាប់កេីតឡេីងធ្វេីអោយខាតបង់ពេលវេលានិងមានទោសទណ្ឌថែមទៀត៕
