ភ្នំពេញ ៖ សម្តេចតេជោ ហ៊ុន សែន ប្រធានព្រឹទ្ធសភា នៃកម្ពុជា បានលើកឡើងថា ៖ ក្បែរភ្លឺយប់មិញខ្ញុំបានបង្ហោះសារទាក់ទងដល់ពិធីបុកល័ក្តដែលមានតួសម្តែងជាខ្មែរឥស្លាម។
សម្តេចបន្តថា ៖ ឆ្លងកាត់នូវយោបល់របស់បងប្អូនដែលជាខ្មែរឥស្លាមបង្ហាញឱ្យឃើញថាបងប្អូនមិនបានជំទាស់នឹងការសម្ដែងដែលមានតួសម្ដែងជា
បងប្អូនខ្មែរឥស្លាមនោះទេ។
អ្វីដែលបងប្អូនមិនសប្បាយចិត្តគឺ
ពាក្យពេចន៍និងឥរិយាបទសម្ដែងខ្លះ
ខ្វះការគោរពចំពោះព្រះរបស់
ឥស្លាមទើបធ្វើឱ្យមានប្រតិកម្ម។
រឿងនេះសូមបងប្អូនគ្រប់ក្រុមសម្ដែងត្រូវតែត្រួតពិនិត្យនិងរៀបចំ
ឡើងវិញទាំងកាយវិការទាំងពាក្យសំដីនិយាយ។
សម្តេចតេជោ ហ៊ុន សែន ប្រធានព្រឹទ្ធសភា នៃកម្ពុជា បងប្អូនឥស្លាមទូទាំងពិភពលោក
គោរពខ្លាំងណាស់នូវព្រះអាល់ឡោះដូចនេះមិនអាចសម្ដែងប៉ះពាល់បានទេ។
ដូចនេះបញ្ហានេះបានចាប់ផ្តើមចេញពីការមិនយល់ពីតួអង្គសម្ដែង
ឬក្រុមសម្ដែងដែលទាមទារនូវការ
កែតម្រូវជាបន្ទាន់ទាំងពាក្យសំដីទាំងកាយវិការសម្រាប់ការសម្ដែង
ជៀសវាងឱ្យខាងតែបាននូវពាក្យពេចន៍
ឬកាយវិការខ្វះការគោរពចំពោះ
បងប្អូនឥស្លាម។
សម្តេចតេជោ ហ៊ុន សែន ប្រធានព្រឹទ្ធសភា នៃកម្ពុជា សូមឱ្យស្មារតីសាមគ្គីភាពរវាងជាតិសាសន៍និងសាសនានៅកម្ពុជា
បន្តរីកចម្រើនតទៅមុខទៀត៕
ដោយ ៖ សិលា
