ភ្នំពេញ៖ ក្មេងស្រីម្នាក់បានស្លាប់ភ្លាមៗយ៉ាងអាណោចអាធ័មខណៈកំពុងជិះម៉ូតូចាប់ហ្វ្រ័ងដួលចូលក្រោមរថយន្តកុងតឺន័រកិនស្លាប់ភ្លាមៗ។
ហេតុការណ៍នេះបានកេីតឡេីងកាលពីវេលាម៉ោង១១និង៣០នាទីព្រឹក ថ្ងៃទី២៤ ខែកុម្ភៈ ឆ្នាំ២០២៦ នៅផ្លូវព្រៃស សង្កាត់ព្រៃស ខណ្ឌដង្កោ។
ជនរងគ្រោះឈ្មោះអិន សូណា ភេទស្រី អាយុ១៧ឆ្នាំ មុខរបរនិសិស្ស ស្រុកកំណេីតនៅប៉ៃលិន។
ចំណែកតៃកុងរថយន្តឈ្មោះផាត ផេន ភេទប្រុសអាយុ២២ឆ្នាំ។
តាមប្រភពព័ត៌មានបានឱ្យដឹងថា មុនពេលកេីតហេតុគេបានឃេីញរថយន្តកុងតឺន័រ ពាក់ស្លាកលេខព្រៃវែង 3A2635. ធ្វេីដំណេីរតាមបណ្តោយផ្លូវព្រៃស ក្នុងទិសដៅពីលិចទៅកេីតលុះមកដល់ចំណុចកេីតហេតុស្រាប់តែជនរងគ្រោះជិះម៉ូតូស្កូបពី ពណ៌ស ពាក់ស្លាកលេខប៉ៃលិន 1B 2408 វ៉ាខាងស្តាំហេីយបានចាប់ហ្វ្រ័ង ដួលបណ្តាលឱ្យម៉ូតូដួលចូលក្រោមរថយន្តខាងក្រោយកិនស្លាប់ភ្លាមៗ បន្ទាប់មករថយន្តបេីកបានប្រហែល៥០០ម៉ែត្រក៏ឈប់ហេីយតៃកុងដេីរមកមេីលរួចឡេីងបេីកឡានចេញទៅបាត់។
ប្រភពដដែលបានបន្តថា ក្រោយមកសមត្ថកិច្ចក៏បានស្រាវជ្រាវតាមចាប់រថយន្តនិងតៃកុងបានភ្លាមៗ។
ក្រោយកេីតហេតុសមត្ថកិច្ចបានធ្វេីការវាស់វែងយករថយន្តនិងម៉ូតូប្រគល់ឱ្យសមត្ថកិច្ចចរាចរណ៍ផ្លូវគោក ចំណែកសពប្រគល់ជូនក្រុមគ្រួសារយកទៅធ្វេីបុណ្យតាមប្រពៃណី៕
ដោយ៖សុខាសែនជ័យ
