ខេត្តស្ទឹងត្រែង៖ សម្តេចតេជោហ៊ុន សែន បានបង្ហាញរូបភាពដែលថតនៅពេលព្រឹក និងពេលល្ងាចនៅទន្លេសេកុង ។
ហ្វេសប៊ុកសម្តេចតេជោហ៊ុន សែន បានផ្សព្វផ្សាយដូច្នេះថា៖ «នេះជារូបភាពនៃទន្លេសេកុុង នៃទីរួមខេត្តស្ទឹងត្រែងនាពេលព្រឹកដែលថតមុនម៉ោង៦ព្រឹក ។ ម្សិលមិញខ្ញុំបង្ហោះរូបដែថតម៉ោង៦ល្ងាច ។ ខ្ញុំនឹងបង្ហោះដើម្បីធ្វើការប្រៀបធៀប។ សុំពិនិត្យមើលក្រោយខ្នងខ្ញុំមានស្ពានឆ្លងទន្លេសេកុងតាមផ្លូវលេខ៧ឆ្ពោះទៅកាន់ព្រំដែន ឡាវ។ ឯស្ពានដែលខ្ញុំឈរថតរូបគឺស្ពានឆ្លងកាត់ទន្លេមេគង្គតភ្ជាប់ ផ្លូវជាតិលេខ៧ ស្ទឹងត្រែងទៅផ្លូវជាតិលេខ៩ តភ្ជាប់ទៅកាន់ខេត្ត ព្រះវិហារដែលជាផ្លូវនិងស្ពានថ្មីដែលទើបដាក់ឱ្យប្រើប្រាស់ប្រមាណជិត២ឆ្នាំមុន ។ ដំណើរលើកនេះព្រមជាមួយនិងការដោះស្រាយការងារនៅខេត្ត៣ដែលខ្ញុំសំរាក ការដោះស្រាយលើបញ្ហាអន្តរាគមន៏លើថ្លៃស្រូវរបស់កសិករនៅតែជាអាទិភាពជាងគេសំរាប់កិច្ចការរបស់ខ្ញុំ» ៕
ដោយ៖ សុវណ្ណារ៉ា
