ខេត្តបន្ទាយមានជ័យ៖ កាលពីវេលាម៉ោង១០ព្រឹកថ្ងៃទី១៨ ខែកញ្ញា ឆ្នាំ២០១៦ មុខសាលាបឋមសិក្សាទំនប់(ក)៥ តាមបណ្ដោយផ្លូវទំនប់(ក)៥ ស្ថិតក្នុងភូមិទំនប់(ក)៥ សង្កាត់ប៉ោយប៉ែត ក្រុងប៉ោយប៉ែត ។

សមត្ថកិច្ចបានអោយដឹងថាៈ អ្នកបើកបររថយន្តឈ្មោះ ម៉ា សាវ៉ាត ភេទប្រុស អាយុ៣៧ឆ្នាំ មានទីលំនៅភូមិសាមគ្គីមានជ័យ សង្កាត់ប៉ោយប៉ែត ក្រុងប៉ោយប៉ែត ។

សមត្ថកិច្ចបន្តថាៈ មុនពេលកើតហេតុរថយន្តម៉ាកហាយលែនឌ័រ ពណ៌ទឹកប្រាក់ ពាក់ស្លាកលេខ ភ្នំពេញ 2X-3350 កំពុងបើកលើផ្លូវទំនប់(ក)៥ពីត្បូងទៅជើងក្នុងគោលបំណងយកចង្ហាន់ទៅ វត្ត ខណៈដល់កន្លែងកើតហេតុ ស្រាប់តែឆាបឆេះដោយមិនដឹងមូលហេតុ ធ្វើឲ្យអ្នកជិះក្នុងរថយន្តទាំងអស់រត់ចុះព្រោងព្រាតទាំងម្នាក់ៗ ភ័យស្លន់ស្លោយ៉ាងខ្លាំង តែមិនបណ្តាលអោយគ្រោះថ្នាក់ដល់អ្នកជិះទាំងអស់ទេ ខូចតែរថយន្តផ្នែកខាងមុខ៕

ដោយ៖ សហការី