ក្រុមហ៊ុនផ្សារទំនើប FairPrice Group បានប្រកាសថា នឹងមិនដំឡើងថ្លៃលើទំនិញប្រចាំថ្ងៃ 100 មុខ ដើម្បីជួយបន្ថយសម្ពាធចំណាយរស់នៅ ខណៈស្ថានភាពជម្លោះនៅមជ្ឈិមបូព៌ាកំពុងបន្ត។

 

វិធានការនេះ នឹងអនុវត្តចាប់ពីថ្ងៃព្រហស្បតិ៍ រហូតដល់ថ្ងៃទី 31 ខែឧសភា ហើយរួមបញ្ចូលទំនិញសំខាន់ៗដូចជា អង្ករ ប្រេងចម្អិនអាហារ ស៊ុត សាច់ជ្រូក និងមាន់ (ស្រស់ និងកក) ទឹកដោះគោ និងសាប៊ូលាងសម្អាត។

 

ក្រុមហ៊ុនបានបញ្ជាក់ថា

“ការក្សាតម្លៃមិនឲ្យឡើងនេះ ជាផ្នែកមួយនៃការប្តេជ្ញាចិត្តក្នុងការធ្វើឲ្យទំនិញចាំបាច់អាចទិញបានសម្រាប់ប្រជាជនទាំងអស់” ខណៈស្ថានភាពសេដ្ឋកិច្ច និងភូមិសាស្ត្រនយោបាយកំពុងប៉ះពាល់ដល់ជីវភាពប្រចាំថ្ងៃ។

 

អតិថិជនដែលស្ថិតក្នុងក្រុមងាយរងគ្រោះ និងអ្នកមានសិទ្ធិទទួលជំនួយ នឹងទទួលបានបញ្ចុះតម្លៃបន្ថែមពី 3% ទៅ 6% ក្នុងអំឡុងពេលនេះ។

 

CEO ក្រុមហ៊ុន Vipul Chawla បាននិយាយថា វិធានការនេះបន្តបេសកកម្មដើមរបស់ក្រុមហ៊ុន ដែលចាប់ផ្តើមឡើងក្នុងសម័យវិបត្តិប្រេងនៅទសវត្សរ៍ 1970 ដើម្បីរក្សាតម្លៃទំនិញឲ្យសមរម្យ។

គាត់បានបន្ថែមថា ចំណាយលើអាហារ និងគ្រឿងទេសគ្រប់គ្រងច្រើនជាង 20% នៃថវិកាគ្រួសារ ហើយខ្ពស់ជាងនេះសម្រាប់គ្រួសារដែលមានចំណូលទាប។

 

បន្ថែមពីនេះ FairPrice ក៏បន្តកម្មវិធីបញ្ចុះតម្លៃ “Best Sellers for Less” ដែលអាចសន្សំបានរហូតដល់ 36% លើផលិតផលម៉ាករបស់ខ្លួន ដូចជា អង្ករ ក្រដាសជូតមុខ និងអាហារកក។

 

កម្មវិធីនេះបានចាប់ផ្តើមពីថ្ងៃទី 19 មីនា ហើយនឹងបន្តរយៈពេល 12 សប្តាហ៍ រហូតដល់ថ្ងៃទី 10 មិថុនា៕