ភ្នំពេញ៖ សម្ដេចព្រះមហាក្សត្រី នរោត្ដម មុនិនាថ សីហនុ ព្រះវររាជ មាតាជាតិខ្មែរ និងព្រះករុណាព្រះបាទព្រះ បរមនាថ នរោត្ដម សីហមុនី ព្រះមហា ក្សត្រនៃព្រះរាជាណាចក្រកម្ពុជាកាលពី ព្រឹកថ្ងៃទី៦ ខែសីហា ឆ្នាំ២០១៥ បានយាង ជាព្រះរាជាធិបតីដ៏ខ្ពង់ខ្ពង់បំផុតក្នុងព្រះ រាជពិធីសម្ពោធអគារមណ្ឌលព្យាបាល មនុស្សចាស់“ព្រះសីហនុរាជ” ដែលស្ថិត ក្នុងបរិវេណមន្ទីរពេទ្យមិត្ដភាពខ្មែរ-សូវៀត រាជធានីភ្នំពេញ ។
នៅក្នុងព្រះរាជពិធីដ៏នក្ខត្ដឫក្សនេះ មានការយាង និងអញ្ជើញចូលរួមពី សម្ដេចព្រះអគ្គមហាសង្ឃរាជ ព្រះអង្គ ម្ចាស់ ព្រះអង្គម្ចាស់ក្សត្រី ព្រះរាជវង្សា នុវង្ស សម្ដេចវិបុលសេនាភក្ដី សាយ ឈុំ ប្រធានព្រឹទ្ធសភា សម្ដេចអគ្គមហា ពញាចក្រី ហេង សំរិន ប្រធានរដ្ឋសភា សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ដ្រី សម្ដេចកិត្ដិព្រឹទ្ធ បណ្ឌិត ប៊ុន រ៉ានី ហ៊ុន សែន ប្រធានកាក បាទក្រហមកម្ពុជា សម្ដេចចៅហ្វាវាំង វរវៀងជ័យអធិបតីស្រឹង្គារ គង់ សំអុល ឧបនាយករដ្ឋមន្ដ្រី រដ្ឋមន្ដ្រីក្រសួងព្រះ បរមរាជវាំង សម្ដេចក្រឡាហោម ស ខេង ឧបនាយករដ្ឋមន្ដ្រី រដ្ឋមន្ដ្រីក្រសួង មហាផ្ទៃ ឯកអគ្គរាជទូត ឯកអគ្គរដ្ឋទូត នានាប្រចាំកម្ពុជា ព្រមទាំងលោក លោក ស្រីជាសមាជិក សមាជិកាព្រឹទ្ធសភា រដ្ឋ សភា រាជរដ្ឋាភិបាល មន្ដ្រីរាជការ កង កម្លាំងប្រដាប់អាវុធ លោកគ្រូ អ្នកគ្រូ សិស្សានុសិស្សយ៉ាងច្រើនកុះករ ។
អគារមណ្ឌលព្យាបាលមនុស្សចាស់ នេះចំណាយថវិកាសាងសង់ចំនួន ២.៩៨៥.០៩៨,៩៩ដុល្លារអាមេរិក មាន កម្ពស់៤ជាន់ មានផ្ទៃសរុប៥.០៤៨ ម៉ែត្រការ៉េ ។
ក្នុងព្រះរាជសុន្ទរកថាសម្ដេចព្រះ មហាក្សត្រី នរោត្ដម មុនិនាថ សីហនុ ព្រះវររាជមាតាជាតិខ្មែរបានបញ្ជាក់ថា ការកសាងអគារមណ្ឌលព្យាបាលមនុស្ស ចាស់នៅក្នុងមន្ទីរពេទ្យមិត្ដភាពខ្មែរ- សូវៀតនេះគឺជាការរំលឹកនូវព្រះរាជ គុណូបការៈដ៏ធំធេងរបស់ព្រះករុណាព្រះ នរោត្ដម សីហនុ ព្រះបរមរតនកោដ្ឋ ជាទីសក្ការៈដ៏ខ្ពង់ខ្ពស់បំផុត ដែលកាល ព្រះអង្គនៅមានព្រះជន្ម ព្រះអង្គបាន កសាងសមិទ្ធផលផ្នែកសុខាភិបាលដើម្បី ថែទាំ និងព្យាបាលសុខភាពរបស់ប្រជា រាស្ដ្រជាកូនចៅ ចៅទូតរបស់ព្រះអង្គ ។
សម្ដេចព្រះមហាក្សត្រីទ្រង់មានព្រះ សុវនីយ៍ទៀតថា ថវិកាដែលបានចំណាយ លើការសាងសង់អគារមណ្ឌលព្យាបាល មនុស្សចាស់នេះបានមកពីព្រះរាជ អំណោយព្រះករុណាព្រះមហាក្សត្រ និង ដង្វាយរបស់សប្បុរសជនជាតិ អន្ដរជាតិ ដែលបានចូលវិភាគទានក្នុងឱកាស ប្រារឰព្រះរាជពិធីបុណ្យថ្វាយព្រះបរម សពព្រះករុណា ព្រះបាទសម្ដេច ព្រះ នរោត្ដម សីហនុ ព្រះបរមរតនកោដ្ឋ ជា ទីសក្ការៈដ៏ខ្ពង់ខ្ពស់បំផុតនាពេលកន្លងទៅ និងបន្ដបន្ទាប់ ។ ជាពិសេសសម្ដេចអគ្គ មហាសេនាបតីតេជោ ហ៊ុន សែន នាយករដ្ឋមន្ដ្រីនៃព្រះរាជាណាចក្រកម្ពុជា បានជួយឧបត្ថម្ភថវិកាយ៉ាងច្រើនអាចឱ្យ ការសាងសង់អគារនេះដំណើរការទាន់ ពេលវេលាសម្រាប់ជួយសម្រាលសេចក្ដី ទុក្ខលំបាករបស់ប្រជារាស្ដ្រកម្ពុជានិងជាការអភិវឌ្ឍលើវិស័យសុខាភិបាល ។
ព្រះអង្គមានព្រះរាជហឫទ័យរំពឹងថា សមិទ្ធផលនេះនឹងដំណើរការទៅប្រកប ដោយនិរន្ដរភាព ហើយទទួលបានការ ជួយឧបត្ថម្ភគាំទ្របន្ថែមទៀតពីគ្រប់ មជ្ឈដ្ឋានជាតិ អន្ដរជាតិដើម្បីរួមចំណែក ថែរក្សាសុខភាពមនុស្សចាស់ ។
ព្រះមហាក្សត្រី ព្រះវររាជមាតាជាតិ ខ្មែរទ្រង់មានព្រះសវនីយ៍រំលឹកផងដែរថា មន្ទីរពេទ្យមិត្ដភាពខ្មែរ-សូវៀតជាសមិទ្ធ ផលត្រូវបានកសាងឡើងនៅឆ្នាំ១៩៦០ ក្នុងសម័យសង្គមរាស្ដ្រនិយម ។ រយៈ ពេលជាង៥០ឆ្នាំកន្លងមកហើយមន្ទីរ ពេទ្យនេះនៅតែដើរតួនាទីដ៏សំខាន់ក្នុង ការព្យាបាលជូនប្រជារាស្ដ្រកម្ពុជា ។
សូមបញ្ជាក់ថា មណ្ឌលព្យាបាល មនុស្សចាស់ ព្រះសីហនុរាជ ចាប់ផ្ដើម កសាងឡើងតាមព្រះរាជតម្រិះដ៏ខ្ពង់ខ្ពស់ បំផុតរបស់សម្ដេចព្រះមហាក្សត្រី នរោត្ដម មុនិនាថ សីហនុ ព្រះវររាជ មាតាជាតិខ្មែរក្នុងគោលបំណងជួយថែ រក្សាសុខភាពប្រជាពលរដ្ឋកម្ពុជាដែល មានវ័យចាស់ជរា ។
នៅជាន់ផ្ទាល់ដីមានមុខងារសំខាន់ ក្នុងការផ្ដល់សេវាកម្មរួមមាន កន្លែង រដ្ឋបាល កន្លែងផ្ដល់ព័ត៌មាន កន្លែងទទួល ភ្ញៀវ បន្ទប់រង់ចាំ បន្ទប់ពិគ្រោះជំងឺ៣ បន្ទប់ បន្ទប់ពិសោធន៍ បន្ទប់ស្ដារកាយ សម្បទា បន្ទប់ព្យាបាលដោយចលនា កៅអីរុញ បន្ទប់ស្អំ បន្ទប់ដាក់សម្ភារ បន្ទប់ស្នាក់នៅរបស់អ្នកជំងឺ ជំនួយការ ព្យាបាល សាលប្រជុំព្រះសីហនុរាជ ។
ជាន់ទី២ មានបន្ទប់ប្រចាំការ បន្ទប់ វេជ្ជបណ្ឌិត បន្ទប់សម្រាក និងព្យាបាល បន្ទប់ជួបជុំ និងធ្វើលំហាត់ប្រាណឱ្យអ្នក ជំងឺសម្រាក និងព្យាបាលក្នុងមន្ទីរពេទ្យ និងមានវេរ៉ងដារួមសម្រាប់អ្នកកំដរ អ្នកជំងឺសម្រាកបាន ។
ជាន់ទី៣ មានមុខងារសម្រាប់សម្រាក និងព្យាបាលពិសេស មានបន្ទប់សម្រាក ឯកជនដែលមានបំពាក់សម្ភារគ្រប់ ប្រភេទដូចជា គ្រែប្រើដោយប្រព័ន្ធ ស្វ័យប្រវត្ដិ ។ ជាន់នេះមានទីធ្លាសម្រាប់ ហាត់ប្រាណ និងយកខ្យល់អាកាស ។ គ្រប់គ្រែទាំងអស់សម្រាប់អ្នកជំងឺសុទ្ធ តែមានបំពាក់ដោយប្រព័ន្ធអុកស៊ីហ្សែន ខ្យល់ និងប្រព័ន្ធបឺតបំពង់ដង្ហើម ប្រព័ន្ធ ហៅជំនួយ ប្រព័ន្ធកាមេរ៉ាសុវត្ថិភាព ប្រកាសអាសន្ន ជណ្ដើរសុវត្ថិភាព និង ធម្មតា…។ អគារមណ្ឌលព្យាបាលមនុស្ស ចាស់នេះមានគ្រែសរុប៥៦គ្រែសម្រាប់ព្យាបាលមនុស្សចាស់ជរា ៕
ដោយ៖ ហេង សូរិយា
