ទីក្រុងបានដាស៊េរីបេហ្គាវ៉ាន់៖ នាឱកាសអញ្ជើញចូលរួមកិច្ចប្រជុំរដ្ឋមន្ត្រីការបរទេសអាស៊ាន- សហភាពអឺរ៉ុប លើកទី២៥ នៅរាជធានីបានដាស៊េរីបេហ្គាវ៉ាន់ លោក ប្រាក់ សុខុន ឧបនាយករដ្ឋមន្ត្រី រដ្ឋមន្ត្រីការបរទេស និងសហប្រតិបត្តិការអន្តរជាតិ នៅថ្ងៃទី២៨ ខែមេសា ឆ្នាំ២០២៦ បានអញ្ជើញមានជំនួបពិភាក្សាការងារជាបន្តបន្ទាប់ជាមួយ រដ្ឋមន្ត្រីការបរទេស និងប្រធានគណៈប្រតិភូ នៃបណ្តាប្រទេសសមាជិកអាស៊ាន និងសហភាពអឺរ៉ុបមួយចំនួន ផ្សេងទៀត ផងដែរ។
នៅក្នុងជំនួបទ្វេភាគីជាមួយ លោកស្រី Kaja Kallas តំណាងជាន់ខ្ពស់នៃសហភាពអឺរ៉ុបទទួលបន្ទុក កិច្ចការបរទេស និងគោលនយោបាយសន្តិសុខ និងជាអនុប្រធានគណៈកម្មការអឺរ៉ុប លោកឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិ បានរំលឹកឡើងវិញនូវកិច្ចសន្ទនាតាមទូរស័ព្ទកាល ពីខែធ្នូ ឆ្នាំ២០២៥ ក៏ដូចជាលទ្ធផលជាផ្លែផ្កានៃដំណើរទស្សនកិច្ចការងាររបស់ សម្តេចធិបតីនាយករដ្ឋមន្ត្រី នៅ ទីក្រុងព្រុចសែល នាខែកុម្ភៈ ឆ្នាំ២០២៦ កន្លងទៅ។ ភាគីទាំងពីរបានសម្តែងការពេញចិត្តចំពោះការបន្តពង្រឹង ទំនាក់ទំនងទ្វេភាគី និងបានគូសបញ្ជាក់អំពីកិច្ចសហប្រតិបត្តិការប្រកបដោយផ្លែផ្កា និងភាពជាដៃគូស្និទ្ធស្នាល ជិតបីទសវត្សរ៍ ដែលបានរួមចំណែកដល់ការអភិវឌ្ឍសេដ្ឋកិច្ចសង្គម ជីវភាពរស់នៅ និងសុខុមាលភាពរបស់ ប្រជាជនកម្ពុជា។ ភាគីទាំងពីរក៏បានផ្លាស់ប្តូរទស្សនៈលើបញ្ហាតំបន់ និងអន្តរជាតិ ដែលជាក្តីកង្វល់រួម។
លោកឧបនាយករដ្ឋមន្ត្រី រវាងកម្ពុជា និងថៃ និងការគាំទ្រយ៉ាងពេញទំហឹងរបស់សហភាពអឺរ៉ុបចំពោះការដោះស្រាយជម្លោះដោយសន្តិវិធី តាមរយៈការសន្ទនា និងការទូត ស្របតាមច្បាប់អន្តរជាតិ។ បានស្វាគមន៍ចំពោះការបន្តយកចិត្តទុកដាក់របស់សហភាពអឺរ៉ុបចំពោះស្ថានភាពព្រំដែន
នៅក្នុងកិច្ចពិភាក្សាជាមួយ លោក Władysław T. Bartoszewski រដ្ឋលេខាធិការក្រសួងការបរទេស នៃសាធារណរដ្ឋប៉ូឡូញ ភាគីទាំងពីរបានប្ដេជ្ញាចិត្តក្នុងការធ្វើការរួមគ្នាឱ្យកាន់តែសិ្នទ្ធស្នាល ដើម្បីពង្រឹង និងពង្រីកទំនាក់ទំនងកិច្ចសហប្រតិបត្តិការដ៏ល្អប្រសើរ ខណៈដែលកម្ពុជា និងប៉ូឡូញអបអរសាទរខួប៧០ឆ្នាំនៃការបង្កើតទំនាក់ទំនងការទូតនៃប្រទេសទាំងពីរ នៅឆ្នាំ២០២៦នេះ។ ភាគីទាំងពីរបានផ្លាស់ប្តូរ យោបល់លើបញ្ហាតំបន់ និងអន្តរជាតិដែលជាក្តីកង្វល់រួម រួមទាំងស្ថានភាពព្រំដែនកម្ពុជា-ថៃ ផងដែរ ដោយ បានបញ្ជាក់ឡើងវិញនូវការប្តេជ្ញាចិត្តរួមគ្នាក្នុងការពង្រឹងកិច្ចសហប្រតិបត្តិការគាំទ្រសន្តិភាព និងស្ថិរភាព ក៏ដូចជាការលើកកម្ពស់ច្បាប់អន្តរជាតិ និងការដោះស្រាយជម្លោះដោយសន្តិវិធីស្របតាមច្បាប់អន្តរជាតិ។
ក្នុងជំនួបពិភាក្សាការងារក្រៅផ្លូវការជាមួយ លោកស្រី Ana Isabel Xavier រដ្ឋលេខាធិការនៃក្រសួង ការបរទេសព័រទុយហ្គាល់ ភាគីទាំងពីរបានអះអាងឡើងវិញនូវទំនាក់ទំនងមិត្តភាពដ៏យូរអង្វែង និងទំនាក់ទំនង ការទូតដ៏រឹងមាំដែលមានរវាងប្រទេសទាំងពីរក្នុងរយៈពេលប៉ុន្មានឆ្នាំកន្លងមក ហើយបានគូសបញ្ជាក់ពីការប្តេជ្ញា ចិត្តរួមគ្នាក្នុងការពង្រឹងបន្ថែមទៀតនូវកិច្ចសហប្រតិបត្តិការលើវិស័យដែលជាប្រយោជន៍ទៅវិញទៅមក។ ភាគីទាំងពីរក៏បានឯកភាពរក្សាការសម្របសម្រួលឱ្យបានជិតស្និទ្ធ និងបន្តផ្តល់ការគាំទ្របេក្ខភាពគ្នាទៅវិញ ទៅមកសម្រាប់មុខតំណែងនានានៅក្នុងអង្គការអន្តរជាតិ ដែលនេះជាការឆ្លុះបញ្ចាំងពីស្មារតីនៃសាមគ្គីភាព និង ភាពជាដៃគូដែលបន្តដឹកនាំទំនាក់ទំនងនៃប្រទេសទាំងពីរ៕ដោយ៖តារា
