អតីតកីឡាករជម្រើសជាតិអង់គ្លេស Ashley Young បានប្រកាសថាគាត់នឹងចូលនិវត្តន៍ពីការលេងបាល់ទាត់អាជីពនៅអាយុ៤០ឆ្នាំ។

 

Young បានចាប់ផ្តើមលេងដំបូងនៅ Watford មុនពេលទៅលេងឱ្យ Aston Villa, Manchester United, Inter Milan និង Everton ដោយចាប់ផ្តើមជាខ្សែបម្រើស្លាប មុនពេលក្លាយជាខ្សែការពារពេញលេញ។

 

គាត់បានបញ្ចប់អាជីពរបស់គាត់នៅ Ipswich Town ដោយបានចូលរួមជាមួយក្លឹបនេះក្នុងកិច្ចសន្យារយៈពេលមួយឆ្នាំក្នុងខែកក្កដា ឆ្នាំ ២០២៥ បន្ទាប់ពីត្រូវបានក្លឹប Everton មិនបន្តកិច្ចសន្យាជាមួយ។

 

Young បានបង្ហាញខ្លួនជាលើកដំបូងឲ្យជម្រើសជាតិប្រទេសអង់គ្លេសក្នុងខែវិច្ឆិកា ឆ្នាំ ២០០៧ ហើយបានលេងការប្រកួតចំនួន ៣៩ សម្រាប់ក្រុមជម្រើសជាតិ ដោយស៊ុតបញ្ចូលទីបាន ៧ គ្រាប់។

 

Young ដែលបានចាប់ផ្តើមអាជីពរបស់គាត់នៅពេលដែលគាត់បានបង្ហាញខ្លួនជាលើកដំបូងរបស់គាត់សម្រាប់ Watford ក្នុងឆ្នាំ ២០០៣ បានឈ្នះពានរង្វាន់ Premier League, Europa League, FA Cup និង League Cup ជាមួយ Manchester United និងពានរង្វាន់ Serie A ក្នុងអំឡុងពេលរបស់គាត់ជាមួយ Inter Milan ។

 

ក្នុងរដូវកាលដែលរងរបួសរូបគេបានបង្ហាញខ្លួនត្រឹមតែ ១៣ លើកសម្រាប់ Ipswich ដោយក្នុងនោះ ១០ប្រកួត លេងជាកីឡាករបម្រុង។

 

Ipswich នឹងឈានទៅប្រកួតចុងក្រោយរបស់ពួកគេនៃរដូវកាល Championship ទល់នឹងក្រុម Queens Park Rangers នៅថ្ងៃសៅរ៍ហើយនឹងឡើងមកលេងPremier League ដោយស្វ័យប្រវត្តិឈរលេខរៀងទីពីរប្រសិនបើពួកគេទទួលបានជ័យជម្នះ៕