គម្រោងហេដ្ឋារចនាសម្ព័ន្ធធំបំផុតមួយរបស់អឺរ៉ុប – ផ្លូវរូងក្រោមដី Brenner – កំពុងស្ថិតក្រោមការសាងសង់យ៉ាងជ្រៅនៅក្រោមជួរភ្នំអាល់ ដោយសន្យាថានឹងក្លាយជាផ្លូវរថភ្លើងក្រោមដីវែងបំផុតរបស់ពិភពលោកនៅពេលសាងសង់រួច។

អឺរ៉ុបកំពុងសាងសង់ផ្លូវរថភ្លើងក្រោមដីវែងបំផុតរបស់ពិភពលោកនៅក្នុងតំបន់ Brenner Pass ដែលភ្ជាប់ប្រទេសអូទ្រីស និងអ៊ីតាលី។ គម្រោងនេះត្រូវបានចាត់ទុកថាជាគម្រោងវិស្វកម្មដ៏ធំ និងស្មុគស្មាញបំផុតមួយដែលកំពុងដំណើរការ។
ផ្លូវរូងក្រោមដី Brenner ដែលមានប្រវែងសរុបប្រហែល 64 គីឡូម៉ែត្រ នឹងក្លាយជាផ្លូវរថភ្លើងក្រោមដីវែងបំផុតរបស់ពិភពលោកនៅពេលសាងសង់រួច ដោយដើរតួនាទីយ៉ាងសំខាន់នៅក្នុងច្រករបៀងដឹកជញ្ជូនឆ្លងកាត់អឺរ៉ុបពីខាងត្បូងទៅខាងជើង។
គម្រោងនេះមានតម្លៃសរុបជិត 11 ពាន់លានអឺរ៉ូ ដែលក្នុងនោះសហភាពអឺរ៉ុបបានផ្តល់មូលនិធិប្រហែល 2.3 ពាន់លានអឺរ៉ូ។ ទោះជាយ៉ាងណាក៏ដោយ ការចំណាយជាក់ស្តែងបានកើនឡើងប្រហែល 40% បើប្រៀបធៀបទៅនឹងផែនការដំបូង ដែលបង្កើនការព្រួយបារម្ភអំពីប្រសិទ្ធភាពនៃការវិនិយោគ។
កម្មករប្រមាណ ១៣០០នាក់ មកពីប្រទេសអឺរ៉ុបជាច្រើនបានចូលរួមក្នុងការសាងសង់គម្រោងនេះ។
យោងតាមវិស្វករគម្រោង ប្រព័ន្ធផ្លូវរូងក្រោមដីរួមមានខ្សែស្របគ្នាជាច្រើន ដែលអនុញ្ញាតឱ្យមានប្រតិបត្តិការប្រកបដោយប្រសិទ្ធភាពនៅដង់ស៊ីតេខ្ពស់។ នៅពេលដំណើរការ ខ្សែរថភ្លើងនេះអាចបម្រើរថភ្លើងប្រហែល ៤០០ខ្សែក្នុងមួយថ្ងៃ ដែលរួមចំណែកដល់ការកាត់បន្ថយការកកស្ទះចរាចរណ៍ផ្លូវគោក និងកំណត់ចំនួនរថយន្តដឹកទំនិញឆ្លងកាត់តំបន់អាល់។

ដំបូងឡើយ គម្រោងនេះត្រូវបានគេរំពឹងថានឹងបញ្ចប់នៅឆ្នាំ ២០១៩ ប៉ុន្តែវាត្រូវបានពន្យារពេលដោយសារតែការលំបាកខាងភូគព្ភសាស្ត្រ និងបញ្ហាកិច្ចសន្យា។ កាលបរិច្ឆេទបញ្ចប់ត្រូវបានកែសម្រួលទៅឆ្នាំ ២០៣២៕

រូប​ថត​:Euronews