ភ្នំពេញ៖ ស្ត្រីម្នាក់ជិះម៉ូតូស៊េរីទំនើបតែម្នាក់ឯងទៅទទួលប្តីពីកន្លែងធ្វើការ បានពាក់កណ្តាលផ្លូវក៏ត្រូវជនសង្ស័យ២នាក់ជិះម៉ូតូមួយគ្រឿងមកស្ទាក់ពីមុខដកកាំភ្លើងភ្ជង់ប្លន់យកម៉ូតូទៅបានសម្រេច រួចជិះគេចខ្លួនបាត់ស្រមោលតែម្តង ។

ករណីប្លន់នេះកើតឡើងនៅវេលាម៉ោង៧និង៣០នាទីយប់ថ្ងៃទី២០ ខែកញ្ញា ឆ្នាំ២០១៦ តាមបណ្តោយផ្លូវលំ ស្ថិតក្នុងសង្កាត់ច្រាំងចំរះទី១ ខណ្ឌប្ញស្សីកែវ រាជធានីភ្នំពេញ ។

ជនរងគ្រោះមានឈ្មោះ តេ ស្រីុ ភេទស្រី អាយុ ប្រហែល៤០ឆ្នាំ មុខរបរនៅផ្ទះ មានទីលំនៅផ្ទះលេខ ៤២៦បេ ផ្លូវលំ សង្កាត់ស្វាយប៉ាក ខណ្ឌប្ញស្សីកែវ ។ ម៉ូតូដែលចោរប្លន់យកទៅបានសម្រេចនោះ ម៉ាក ហុងដាឌ្រីម ឆ្នាំ២០១៦ ពណ៌ខ្មៅ ពាក់ស្លាកលេខ ភ្នំពេញ 1FW-5638 ចំណែកជនសង្ស័យមានគ្នា២នាក់ជិះម៉ូតូមួយគ្រឿងម៉ាក ឌូក មិនចាំពណ៌ និងស្លាកលេខ ប្រដាប់ដោយកាំភ្លើងខ្លីមួយដើមមិនចាំម៉ាក ។

ក្រោយពេលកើតហេតុជនរងគ្រោះបានជិះរថយន្តមកដាក់ពាក្យបណ្តឹងនៅប៉ុស្តិ៍ច្រាំងចំរះទី១ ដើម្បីឲ្យសមត្ថកិច្ចជួយស្វែងរកម៉ូតូដែលបាត់ត្រឡប់មកវិញ ៕

ដោយ៖ ព្រែកជ័យ