ប្រទេសថៃ៖ ជំនន់ទឹកភ្លៀងយ៉ាងគំហុកហូរធ្លាក់ ពីភ្នំដយឃុនតាន់ (Doi Khun Tan) បានវាយប្រហារស្រុកហាងឆាត (Hang Chat) នៅក្នុងខេត្តឡាំប៉ាង (Lampang) ប្រទេសថៃ នៅព្រឹកថ្ងៃ សុក្រនេះ ដោយបានបង្កឱ្យលិចលង់លំនៅឋាន សាលារៀន ផ្សារ វត្តអារាម និងផ្លូវថ្នល់សំខាន់ៗជាច្រើនខ្សែ។

គ្រោះទឹកជំនន់នេះ បានជះឥទ្ធិពល និងបង្កផលប៉ះពាល់ដល់ប្រជាពលរដ្ឋជាង ២០០ គ្រួសារ។ ជាមួយគ្នានេះ ប្រជាពលរដ្ឋ នៅក្នុងតំបន់បានសម្តែងការមិនពេញចិត្ត និងរអ៊ូរទាំថា គ្រោះមហន្តរាយទឹកជំនន់ដ៏រ៉ាំរ៉ៃនេះ តែងតែកើតឡើងជារៀងរាល់ឆ្នាំ បើទោះបីជាមានការសន្យាម្តងហើយម្តងទៀតពីសំណាក់អាជ្ញាធរថៃ ក្នុងការចុះដោះស្រាយបញ្ហានេះក៏ដោយ ។ គ្រោះធម្មជាតិ មិនអាចរារាំងបានឡើយ ជាពិសេសប្រទេសថៃ ទទួលបាននូវជំនន់ទឹកភ្លៀង គ្រោះធម្មជាតិ ញឹកញាប់បំផុត ៕

ដោយ : សិលា