ភ្នំពេញ៖ នៅថ្ងៃទី២៨ ខែមិថុនា ឆ្នាំ២០២៦ កម្លាំងការិយាល័យនគរបាលព្រហ្មទណ្ឌកម្រិតស្រាលបានបើកការស្រាវជ្រាវ និងឃាត់ខ្លួនក្មេងទំនើងចំនួន ៦នាក់ ពាក់ព័ន្ធករណី ហិង្សាដោយចេតនា មានស្ថានទម្ងន់ទោស (វាយតប់គ្នាទៅវិញទៅមក) ដែលបានកើតឡើងនៅចំណុចមុខសាលារៀនចំរើនផល ស្ថិតក្នុងភូមិចំរើនផល សង្កាត់បឹងទំពុនទី១ ខណ្ឌមានជ័យ រាជធានីភ្នំពេញ។

ជនសង្ស័យទាំង ៦នាក់ មានអាយុចន្លោះពី ១៦ ដល់ ១៧ឆ្នាំ ត្រូវបានកម្លាំងជំនាញឃាត់ខ្លួន ក្រោយការស្រាវជ្រាវប្រមូលភស្តុតាង និងកំណត់អត្តសញ្ញាណពាក់ព័ន្ធនឹងអំពើហិង្សាខាងលើ។

បច្ចុប្បន្ន ជនសង្ស័យទាំង៦នាក់ ត្រូវបានកម្លាំងនគរបាលព្រហ្មទណ្ឌកសាងសំណុំរឿង បញ្ជូនចាត់ការតាមនីតិវិធីច្បាប់។ ដោយឡែក បក្ខពួកដែលនៅសេសសល់ សមត្ថកិច្ចកំពុងបន្តស្រាវជ្រាវ និងតាមចាប់ខ្លួនយកមកផ្តន្ទាទោសតាមច្បាប់៕