ខេត្តកំពង់ស្ពឺ÷ ក្រុមជនសង្ស័យចំនួន០៣នាក់ ត្រូវបានកម្លាំងកងរាជអាវុធហត្ថស្រុកភ្នំស្រួចឃាត់ខ្លួន ក្រោយពីក្រុមជនសង្ស័យខាងលើ ខាងលើធ្វើសកម្មភាពចូលក្នុងផ្ទះប្រជាពលរដ្ឋប្រុងលួចទ្រព្យសម្បត្តិ ប៉ុន្តែម្ចាស់ដឹងទាន់ ក៏ទូរស័ព្ទប្តឹងសមត្ថកិច្ចឱ្យជួយអន្តរាគមន៍ឃាត់ខ្លួនបានតែម្ដង ។
មន្ត្រីកងរាជអាវុធហត្ថស្រុកភ្នំស្រួចបានឱ្យដឹងថា មុនពេលឃាត់ខ្លួនក្រុម ជនសង្ស័័យ ខាងលើនៅវេលាម៉ោង៩:១០នាទីព្រឹកថ្ងៃទី០២ ខែកក្កដា ឆ្នាំ២០២៦ មានប្រជាពលរដ្ឋ ឈ្មោះ ទូច សំណាង ភេទប្រុស អាយុ ៥០ឆ្នាំប្លាយ បានទូរស័ព្ទ ទំនាក់ទំនង តាមរយៈលេខទូរស័ព្ទអន្តរាគមន៍សង្គ្រោះបន្ទាន់ (HoteLine)1292 បានរាយការណ៍ថា មានករណី ក្រុមចោរចូលលួចទ្រព្យ សម្បត្តិនៅក្នុងផ្ទះរបស់គាត់ ស្ថិតនៅក្នុងភូមិប្រសប់ជុំ ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ ។
មន្ត្រីកងរាជអាវុធហត្ថស្រុកភ្នំស្រួចបានបន្តទៀតថាក្រោយពីទទួលបានពាក្យបណ្តឹងតាមទូរស័ព្ទរួចមក ភ្លាមៗនោះ កម្លាំងមូលដ្ឋានកងរាជអាវុធហត្ថស្រុកភ្នំស្រួច បានចុះទៅដល់ទីតាំងកេីតហេតុ និងបានឃាត់ ខ្លួនជនសង្ស័យចំនួន០៣នាក់ រួមមាន :
១- ឈ្មោះ ម៉ៅ ហេងលាភ ភេទប្រុស អាយុ ១៣ឆ្នាំ រស់នៅក្នុងភូមិប្រសប់ជុំ ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ។
២- ឈ្មោះ ម៉ាប់ រ៉ាពេជ្រ ភេទប្រុស អាយុ ១៤ឆ្នាំ រស់នៅក្នុងភូមិប្រសប់ជុំ ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ ។
៣- ឈ្មោះ ជិន សុវ៉ាត ភេទប្រុស អាយុ ២០ឆ្នាំ រស់នៅក្នុងភូមិប្រសប់ជុំ ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ ។
ក្រោយឃាត់ខ្លួន ក្រុមជនសង្ស័យសមត្ថកិច្ចជំនាញបានធ្វើការដកហូតវត្ថុតាងរួមមាន : - ទូរស័ព្ទដៃចំនួន៥រឿង , - ម៉ូតូចំនួន ០១គ្រឿង ,- អត្តសញ្ញាណប័ណសញ្ជាតិខ្មែរ ចំនួន១សន្លឹកផងដែរ ។
មានមន្ត្រីកងរាជអាវុធហត្ថស្រុកភ្នំស្រួច បានបញ្ជាក់ឱ្យដឹងទៀតថាក្រោយឃាត់ខ្លួនក្រុមជនសង្ស័យ ជាមួយ នឹងវត្ថុតាងខាងលើត្រូវបានបញ្ជូនទៅ បញ្ជាការដ្ឋានកងរាជអាវុធខេត្តកំពង់ស្ពឺ កសាងសំណុំរឿងចាត់ការបន្តតាមនីតិវិធីច្បាប់៕
ដោយ៖ សុរិយា
