ក្រសួងព័ត៌មានវេណេស៊ុយអេឡាបានប្រកាសនៅថ្ងៃទី៥ ខែកក្កដាថា ចំនួនអ្នកស្លាប់ដោយសាររញ្ជួយដីពីរដងដែលបានកើតឡើងនៅចុងខែមិថុនាបានកើនឡើងដល់ ៣.៣៤២នាក់។

នេះត្រូវបានចាត់ទុកថាជាគ្រោះមហន្តរាយធម្មជាតិដ៏ធ្ងន់ធ្ងរបំផុតមួយក្នុងប្រវត្តិសាស្ត្រនៃតំបន់អាមេរិកឡាទីន ដែលបណ្តាលឱ្យមានការបំផ្លិចបំផ្លាញយ៉ាងទូលំទូលាយ និងធ្វើឱ្យមនុស្សរាប់ម៉ឺននាក់គ្មានផ្ទះសម្បែង។
យោងតាមស្ថិតិចុងក្រោយបំផុត យ៉ាងហោចណាស់មានមនុស្ស ១៦.៧៤០នាក់បានរងរបួស និង ១៧.៣៤៥នាក់កំពុងគ្មានផ្ទះសម្បែង។ រដ្ឋាភិបាលវេណេស៊ុយអេឡាបាននិយាយថា អគារប្រហែល ៨៥៦ខ្នងត្រូវបានខូចខាត រួមទាំងអគារចំនួន ១៩០ខ្នងដែលបានដួលរលំទាំងស្រុង។ ទោះជាយ៉ាងណាក៏ដោយ ការវាយតម្លៃបឋមពីរូបភាពផ្កាយរណបរបស់ NASA បង្ហាញពីតួលេខធ្ងន់ធ្ងរជាងនេះទៅទៀត ដោយមានអគារប្រមាណ ៥៩.០០០ខ្នងត្រូវបានខូចខាត ឬបំផ្លាញ។
នៅក្នុងរដ្ឋឆ្នេរសមុទ្រ La Guaira ភាគខាងជើងនៃរដ្ឋធានី Caracas កិច្ចខិតខំប្រឹងប្រែងជួយសង្គ្រោះនៅតែដំណើរការ។ កម្មករជួយសង្គ្រោះ និងអ្នកស្ម័គ្រចិត្តរាប់ពាន់នាក់កំពុងធ្វើការដើម្បីស្វែងរកមនុស្សរាប់ម៉ឺននាក់ដែលនៅតែបាត់ខ្លួននៅក្រោមគំនរបាក់បែក។
ថ្លែងនៅក្នុងឱកាសខួបលើកទី 215 នៃទិវាជាតិវេណេស៊ុយអេឡា នៅថ្ងៃទី 5 ខែកក្កដា ប្រធានាធិបតីស្តីទី លោកស្រី Delcy Rodríguez បានការពារការឆ្លើយតបបន្ទាន់របស់រដ្ឋាភិបាល ចំពេលមានការរិះគន់ជាសាធារណៈថា ការឆ្លើយតបចំពោះគ្រោះមហន្តរាយថ្ងៃទី 24 ខែមិថុនា គឺយឺត និងមិនគ្រប់គ្រាន់៕

រូប​ថត​:congluan