ប្រធានក្រុមជម្រើសជាតិអង់គ្លេស Harry Kane បានបញ្ជាក់ថា លោកធ្លាប់លេងវាយកូនហ្គោលជាមួយប្រធានាធិបតីអាមេរិក Donald Trump ហើយបានពណ៌នាបទពិសោធន៍នោះថា “អស្ចារ្យ និងមិននឹកស្មានដល់” ព្រមទាំងសរសើរថាលោក Trump មានសមត្ថភាពវាយកូនហ្គោលល្អ។

 

កាលពីដើមសប្ដាហ៍នេះ លោក Trump បានប្រាប់អ្នកសារព័ត៌មានថា លោកធ្លាប់លេងកូនហ្គោលជាមួយ Kane ហើយបានសរសើរថា ខ្សែប្រយុទ្ធរបស់អង់គ្លេសគឺជាកីឡាករដ៏អស្ចារ្យ និងជាអ្នកវាយកូនហ្គោលដ៏ល្អផងដែរ។

 

នៅក្នុងសន្និសីទសារព័ត៌មានមុនការប្រកួត World Cup វគ្គ 8 ក្រុមចុងក្រោយជាមួយន័រវេស Kane បានបញ្ជាក់ថា ការលេងកូនហ្គោលនោះបានធ្វើឡើងនៅ Palm Beach រដ្ឋ Florida ប្រហែល 18 ខែមុន។

 

Kane បាននិយាយថា៖ “ខ្ញុំលេងបានល្អដែរ។ លោកបានអញ្ជើញខ្ញុំទៅលេងនៅពេលខ្ញុំនៅ Palm Beach។ ពេលប្រធានាធិបតីអញ្ជើញអ្នក អ្នកពិតជាពិបាកបដិសេធ។”

 

គាត់បន្ថែមថា៖ “វាជាបទពិសោធន៍ដ៏អស្ចារ្យក្នុងការជួប និងលេងកូនហ្គោលជាមួយលោក។ និយាយតាមត្រង់ទៅ ជំនាញវាយកូនហ្គោលរបស់លោកពិតជាល្អ។ ខ្ញុំសង្ឃឹមថា នៅពេលខ្ញុំមានអាយុដូចលោក ខ្ញុំនឹងអាចលេងបានល្អដូចគាត់ដែរ។ វាជាបទពិសោធន៍ពិសេស ហើយខ្ញុំពិតជាអរគុណដែលលោកបានអញ្ជើញខ្ញុំ។”

 

មុននេះ លោក Trump ក៏បានបង្ហោះសារលើបណ្ដាញ Truth Social បន្ទាប់ពីអង់គ្លេសយកឈ្នះម៉ិកស៊ិក 3-2 នៅវគ្គ 16 ក្រុមចុងក្រោយ ដោយសរសេរថា៖ “Harry Kane របស់អង់គ្លេស គឺជាកីឡាករដ៏អស្ចារ្យ!!!”

 

នៅថ្ងៃបន្ទាប់លោក Trump បានបញ្ជាក់ថា៖ “ខ្ញុំគិតថា Kane គឺជាកីឡាករដ៏អស្ចារ្យ។ ខ្ញុំធ្លាប់លេងកូនហ្គោលជាមួយគាត់ ហើយខ្ញុំចូលចិត្តគាត់ខ្លាំងណាស់។ គាត់ជាអ្នកវាយកូនហ្គោលល្អ ហើយក៏ជាកីឡាករដ៏អស្ចារ្យផងដែរ៕”