ខេត្តកំពង់ចាម៖ ជនសង្ស័យម្នាក់ត្រូវបានសមត្ថកិច្ចនគរបាលមូលដ្ឋានធ្វើការឃាត់ខ្លួនដោយជាប់ពាក់ព័ន្ធនិងសារធាតុញៀន។

ករណីនេះធ្វើឡើងនៅម៉ោង៨យប់ថ្ងៃទី២៥ ខែកញ្ញា ឆ្នាំ២០១៦ នៅចំណុចមុខប៉ុស្តិ៍ ស្ថិតក្នុងភូមិខែលជ័យ ឃុំអូរស្វាយ ស្រុកកំពង់សៀម ។

លោកវរសេនីយ៍ត្រី ឯក វណ្ណដន អធិការនគរបាលស្រុកកំពង់សៀមបានបញ្ជាក់ឲ្យដឹងថា កម្លាំងនគរបាលប៉ុស្តិ៍អូរស្វាយ បានសហការជាមួយកម្លាំងរបស់អធិការដ្ឋាន ចុះធ្វើរដ្ឋបាលចំហរ ត្រួតពិនិត្យអាវុធជាតិផ្ទុះ នៅចំណុចមុខប៉ុស្តិ៍ ស្ថិតក្នុងភូមិខែលជ័យ ឃុំអូរស្វាយ ស្រុកកំពង់សៀម និងធ្វើការឃាត់ខ្លួនជនសង្ស័យម្នាក់ឈ្មោះ ចាប វណ្ណា ភេទប្រុស អាយុ២៦ឆ្នាំ នៅភូមិសាមគ្គី ឃុំបុស្សខ្នុរ ស្រុកចំការលើ ខេត្តកំពង់ចាម ។

លោកបន្តថា ក្នុងនោះសមត្ថកិច្ចរកឃើញវត្ថុតាងរួមមាន ម្សៅក្រាមពណ៌សសង្ស័យជាថ្នាំញៀចំនួន៥កញ្ចប់តូច។

បច្ចុប្បន្នជនសង្ស័យត្រូវបានឃាត់ខ្លួនបណ្តោះអាសន្ននៅប៉ុស្តិ៍អូរស្វាយ ដើម្បីសាកសួរនិងកសាងសំណុំរឿងចាត់ការតាមនីតិវិធី៕

ដោយ៖ វណ្ណះ