ក្លិប Bournemouth បានពង្រឹងតំបន់ការពាររបស់ខ្លួន ដោយប្រកាសជាផ្លូវការនាំយកខ្សែការពារកណ្តាលជម្រើសជាតិព័រទុយហ្គាល់ Antonio Silva ពីក្លិប Benfica នៅថ្ងៃសៅរ៍។

 

យោងតាមសារព័ត៌មាន ការផ្ទេរនេះមានតម្លៃប្រហែល 26 លានផោន (ប្រហែល 35 លានដុល្លារអាមេរិក)។

 

ខ្សែការពារវ័យ 22 ឆ្នាំ រូបនេះ នឹងមកជំនួស Marcos Senesi ដែលបានចាកចេញពី Bournemouth ទៅចូលរួមជាមួយ Tottenham Hotspur ក្នុងលក្ខខណ្ឌផ្ទេរដោយគ្មានតម្លៃខ្លួន។

 

Antonio Silva បានបង្ហាញខ្លួនឱ្យ Benfica សរុប 235 ប្រកួត ក្នុងគ្រប់កម្មវិធីប្រកួតទាំងអស់ ហើយត្រូវបានជ្រើសរើសជាខ្សែការពារល្អបំផុតប្រចាំក្របខណ្ឌ Primeira Liga របស់ព័រទុយហ្គាល់ បន្ទាប់ពីជួយក្លិបឈ្នះជើងឯករដូវកាល 2022-23។

 

គាត់ក៏ជាសមាជិកនៃក្រុមជម្រើសជាតិព័រទុយហ្គាល់ ដែលបានឈ្នះពាន UEFA Nations League កាលពីឆ្នាំមុនផងដែរ។

 

លោក Tiago Pinto ប្រធានផ្នែកប្រតិបត្តិការបាល់ទាត់របស់ Bournemouth បាននិយាយថា៖

«ទោះបីជាគាត់មានអាយុទើបតែ 22 ឆ្នាំក៏ដោយ ក៏គាត់មានបទពិសោធន៍ដ៏អស្ចារ្យរួចទៅហើយ នៅក្លិបដ៏ធំបំផុតមួយក្នុងទ្វីបអឺរ៉ុប»។

 

Bournemouth ដែលទទួលបានសិទ្ធិលេងពាន UEFA Europa League ជាលើកដំបូងក្នុងប្រវត្តិសាស្ត្រក្លិប បន្ទាប់ពីបញ្ចប់រដូវកាលមុនយ៉ាងល្អ នឹងចាប់ផ្តើមយុទ្ធនាការ Premier League រដូវកាលថ្មី ដោយត្រូវប៉ះ Manchester City នៅថ្ងៃទី 23 ខែសីហា៕