យោងតាមឯកសារមួយដែលចេញផ្សាយដោយសេតវិមាន ប្រធានាធិបតីសហរដ្ឋអាមេរិក លោក ដូណាល់ ត្រាំ បានចុះហត្ថលេខាលើអនុស្សរណៈមួយដែលមានគោលបំណងបង្កើនចំនួននៃការបាញ់បង្ហោះអវកាសប្រចាំឆ្នាំរបស់សហរដ្ឋអាមេរិកដល់ 1,000 នៅឆ្នាំ 2030។

ទីភ្នាក់ងារសារព័ត៌មានរុស្ស៊ី TASS បានដកស្រង់សម្តីអនុស្សរណៈនេះថា “នៅឆ្នាំ 2030 សមត្ថភាពដឹកជញ្ជូនអវកាសរបស់យើងត្រូវតែអភិវឌ្ឍដើម្បីផ្ទុកការបាញ់បង្ហោះ និងការចូលទៅក្នុងបរិយាកាសឡើងវិញជាង 1,000 ក្នុងមួយឆ្នាំ”។ បច្ចុប្បន្ននេះ សហរដ្ឋអាមេរិកធ្វើការបាញ់បង្ហោះអវកាសជាង 200 ក្នុងមួយឆ្នាំ។
អនុស្សរណៈរបស់សេតវិមានផ្តោតលើការលើកកម្ពស់ឧស្សាហកម្មអវកាសពាណិជ្ជកម្ម ខណៈពេលដែលអំពាវនាវឱ្យអាជ្ញាធរលើកទឹកចិត្តដល់កិច្ចសហប្រតិបត្តិការក្នុងការអភិវឌ្ឍហេដ្ឋារចនាសម្ព័ន្ធដឹកជញ្ជូនអវកាសជាមួយដៃគូឯកជន ពន្លឿនដំណើរការផ្តល់អាជ្ញាប័ណ្ណ និងការវាយតម្លៃផលប៉ះពាល់បរិស្ថាន ។
បន្ថែមពីលើការបង្កើនចំនួននៃការបាញ់បង្ហោះអវកាស ប្រធានាធិបតី ត្រាំ ក៏បានដឹកនាំ “ការស្រាវជ្រាវលើជម្រើសសម្រាប់ការបញ្ជូនមនុស្សយន្តពាណិជ្ជកម្មទៅកាន់ផ្ទៃភពអង្គារ” ក៏ដូចជា “ពិចារណាលើគំរូពាណិជ្ជកម្មសម្រាប់ការបញ្ជូនមនុស្សទៅកាន់ផ្ទៃភពអង្គារ និងនាំពួកគេត្រឡប់មកផែនដីវិញ”៕

រូបថត​: TTXVN