ខេត្តកំពង់ស្ពឺ៖ ដោយបានការបញ្ជាដឹកនាំពីលោកឧត្ដមសេនីយ៍ទោ ឃឹម សុកខៃ ស្នងការនគរបាលខេត្ដកំពង់ស្ពឺ កំលាំងអធិការដ្ឋាននគរបាលស្រុកគងពិសីបានអនុវត្ដជាប្រចាំវិធានការទប់ស្កាត់ក្មេងទំនេីងនិង
ក្រុមបង្កអសន្ដិសុខក្នុងមូលដ្ឋាន នៅថ្ងៃអាទិត្យ ទី៣០ ខែសីហា ឆ្នាំ២០២៦ សមត្ថកិច្ចឃាត់ក្មេងទំនើងបង្ហោះម៉ូតូតាមផ្លូវសារធាណៈលើផ្លូវលេខ៤១ ត្រង់គីឡូម៉ែត្រលេខ៣១ ភូមិបឹងព័ទ្ធ បានម៉ូតូ២នាក់៖ (១)-ឈ្មោះ នៅ វិសាល ភេទប្រុស អាយុ១៧ឆ្នាំ រស់នៅភូមិធ្លក ឃុំស្វាយរំពារ ស្រុកបសេដ្ឋ (២)-ឈ្មោះ វិន សុងលី ភេទប្រុស អាយុ១៦ឆ្នាំ នៅភូមិត្រពាំងស្វាយ ឃុំកក់ ស្រុកបសេដ្ឋ ។
លោកវរសេនីយ៍ឯក យ៉ាង សុខលី អធិការនគរបាលស្រុកគងពិសី បានអនុវត្ដតាមគោលការណ៍ ចំពោះក្មេងទំនើង ទីមួយដោយបានអញ្ជេីញអាណាព្យាបាលមកធ្វើការអប់រំ និងធ្វេីកិច្ចសន្យាទទួលដឹងនិងសន្យាថាត្រូវបន្ដអប់រំប្រដៅកូនចៅអោយបញ្ឍប់សកម្មភាពបែបនេះជាបន្ដ ករណីនៅតែប្រព្រឹត្ដជាលេីកទីពី សមត្ថកិច្ចនឹងមានវិធានការផ្លូវច្បាប់ ចំណែកមធ្យោបាយម៉ូតូបានរក្សាទុករយៈពេល៣ខែ ឬ៩០ថ្ងៃ នៅអធិការដ្ឋានស្រុក៕
ដោយ៖ សុរិយា
