ទំនាស់ពាក្យសំដីបានក្លាយជាអំពើហិង្សាបណ្តាលឱ្យម្នាក់ចូលសង្រ្គោះបន្ទាន់នៅមន្ទីរពេទ្យនិងម្នាក់ត្រូវឃាត់ ខ្លួន

ចែករំលែក៖

ខេត្តបាត់ដំបង÷កាលពីថ្ងៃទី១៥ ខែវិច្ឆិកា ឆ្នាំ២០២៦នៅ វេលាម៉ោង១៩ និង០៥នាទីនៅចំណុច ភូមិភ្នំប្រាំពីរ ឃុំបួរ ស្រុកភ្នំព្រឹកខេត្តបាត់ដំបង មានករណីហិង្សាដោយ ចេតនាមានស្ថានទម្ងន់ទោស (ប្រើប្រាស់កាំបិតខ្វែវ) កើតឡើង១ លើកដោយជនសង្ស័យបានកាត់ទៅលើជនរងគ្រោះបណ្ដាលឲ្យរបួសធ្ងន់ត្រូវបានក្រុមគ្រួសារបញ្ជូនយកទៅមន្ទីរពេទ្យស្រុក។

ប្រភពពីសមត្ថកិច្ចបានឲ្យដឹងថា ករណីនេះបង្កឡើងដោយជនសង្ស័យ ឈ្មោះលី ហឿន ហៅ ចិន ភេទប្រុស អាយុ៤១ ឆ្នាំ មុខរបរកម្មករ រស់នៅភូមិភ្នំប្រាំពីរ ឃុំបួរ ស្រុកភ្នំព្រឹក ខេត្តបាត់ដំបង បានធ្វើសកម្មភាពយកកាំបិតខ្វែវកាប់ទៅលើជនរងគ្រោះឈ្មោះ សំ រស្មី ភេទ ប្រុស អាយុ៣១ ឆ្នាំ មុខរបរកម្មករ រស់នៅភូមិភ្នំប្រាំពីរ ឃុំបួរ ស្រុកភ្នំព្រឹក ខេត្តបាត់ដំបងបណ្តាល ឱ្យរងរបួស ធ្ងន់ ត្រូវបានក្រុមគ្រួសារបញ្ជូនទៅកាន់មន្ទីរពេទ្យបង្អែកស្រុកសំពៅលូនសង្រ្គោះបន្ទាន់ ។

ទទួលបានព័ត៌មាននេះ លោកវរសេនី យ៍ទោ សំ វីរៈ អធិការនគរបាលស្រុកភ្នំព្រឹកដឹកនាំកម្លាំងបង្រ្កាបនិងឃាត់ខ្លួនជនបង្កហិង្សានេះបានរួមទាំងវត្ថុតាងផង។

មូលហេតុដែលឈានដល់ករណីហិង្សានេះគឺដោយសារទំនាស់ពាក្យសំដីដាក់គ្នា ហើយពេលនេះសមត្ថកិច្ចនគរ បាលបញ្ជូនមកផែនជំនាញអនុវត្តបន្តតាមផ្លូវច្បាប់៕

...


ចែករំលែក៖
ពាណិជ្ជកម្ម៖
ads2 ads3 ambel-meas ads6 scanpeople ads7 fk Print