ខេត្តប៉ៃលិន៖ ស្ត្រីប្រពន្ធរបស់នាយរងប៉ុស្តិ៍នគរបាលសង្កាត់អូរតាវ៉ៅម្នាក់សង្ស័យត្រូវឃាតកវាយសម្លាប់បាត់បង់ជីវិតយ៉ាងអាណោចអាធ័ម ដែលរហូតមកដល់ពេលនេះ សមត្ថកិច្ចបាននិងកំពុងតាមប្រមាញ់ជនសង្ស័យយកមកផ្តន្ទាទោសតាមច្បាប់ ។
គេនៅមិនទាន់ដឹងពីមូលហេតុ ឈានដល់ករណីឃាតកម្មជនរងគ្រោះជាប្រពន្ធរបស់នាយរងប៉ុស្តិ៍នគរបាលរដ្ឋបាលសង្កាត់អូរតាវ៉ៅនៅឡើយទេ ។
ករណីភ្ញាក់ផ្អើលបានកើតឡើងកាលពីវេលាម៉ោង៨និង៣០នាទីយប់ ថ្ងៃទី១១ ខែតុលា ឆ្នាំ២០១៦ ស្ថិតនៅចំណុចខាងក្រោយអាងប្រជៀវ ស្ថិតក្នុងភូមិអូរតាប្រាង សង្កាត់អូរតាវ៉ៅ ក្រុងប៉ៃលិន ខេត្តប៉ៃលិន។
ប្រភពព័ត៌មានពីសមត្ថកិច្ចបានប្រាប់ឲ្យដឹងថា ជនរងគ្រោះឈ្មោះ កូវ ស៊ីវហេង ភេទស្រី អាយុ២៥ឆ្នាំ មានប្តីឈ្មោះ ទូច ជិនលី អាយុ៣១ឆ្នាំ ជានាយរងបុស្តិ៍នគរបាលសង្កាត់អូរតាវ៉ៅ នៃអធិការដ្ឋាននគរបាលក្រុងប៉ៃលិន រស់នៅភូមិកូនភ្នំ សង្កាត់អូរតាវ៉ៅ ក្រុងប៉ៃលិន ខេត្តប៉ៃលិន ៕
ដោយ៖ ស សារ៉េត
