ខេត្ដឧត្ដរមានជ័យ៖ នៅព្រឹកថ្ងៃទី៨ ខែសីហា ឆ្នាំ២០១៥ នាយឧត្ដមសេនីយ៍ គន់ គីម សមាជិកគណៈអចិន្ដ្រៃយ៍គណៈ កម្មាធិការបក្សប្រជាជនកម្ពុជា និងជា ប្រធានក្រុមការងារថ្នាក់ជាតិចុះជួយខេត្ដ ឧត្ដរមានជ័យរួមដំណើរដោយប្រធាន អនុប្រធាន បក្សប្រជាជនខេត្ដផងបាន អញ្ជើញជាអធបិតីក្នុងពិធីវេទិការសាធា រណៈនៅភូមិអូរចិញ្ជៀន ឃុំ-ស្រុកអន្លង់ វែង ខេត្ដឧត្ដរមានជ័យ ។
នៅក្នុងឱកាសនោះ នាយឧត្ដមសេនីយ៍ គន់ គីម បានស្ដាប់របាយការណ៍ និង សំណូមពររបស់ប្រជាពលរដ្ឋរស់នៅឃុំ អន្លង់វែងដែលបានលើកឡើងអំពីការរីក ចម្រើន និងការលំបាកមួយចំនួនដែល កើតមាននៅក្នុងមូលដ្ឋានទាក់ទិននឹងការ រស់នៅប្រចាំថ្ងៃ និងការរីកចម្រើនមួយ ចំនួនដែលអាជ្ញាធរដែនដីអនុវត្ដកន្លង មក ។
ជាមួយគ្នានេះដែរ លោក ហោ វីរយុទ្ធ អភិបាលស្រុកអន្លង់វែងក៏បានលើកឡើង ក្នុងដំណោះស្រាយការលំបាក និងងាយ ស្រួលមួយចំនួនដែលអាជ្ញាធរស្រុកនិង ឃុំបានដោះស្រាយកន្លងមក បើទោះបី ជា កិច្ចការមួយចំនួនមិនទាន់បានដោះ*ស្រាយជូនប្រជាពលរដ្ឋយ៉ាងរលូនក៏ដោយ អាជ្ញាធរសន្យាថា នឹងបន្ដដោះស្រាយជា ជំហានជូនបងប្អូនប្រជាពលរដ្ឋទាំងនោះ ឱ្យខាងតែបាន ។
សម្រាប់វិស័យសិក្សាធិការវិញលោក ញាណ ទន ប្រធានការិយាល័យអប់រំស្រុក បានជូនរបាយការណ៍ស្ដីពីសកម្មភាព របស់វិស័យអប់រំ យុវជន និងកីឡាស្រុក កន្លង់វែង ដោយក្នុងនោះ បានបញ្ជាក់ យ៉ាងច្បាស់អំពីតួលេខ និងស្ថានភាពទូទៅ* លើវិស័យសិក្សាអប់រំ ក្រោមការយក ចិត្ដទុកដាក់របស់មន្ទីរអប់រំយុវជន និង កីឡាខេត្ដឧត្ដរមានជ័យធ្វើឱ្យវិស័យមួយ នេះមានការរីកចម្រើនគួរឱ្យកត់ សម្គាល់ ។ ក្នុងនោះដែរ លោកប្រធាន ការិយាល័យអប់រំស្រុកក៏បានលើកឡើង អំពីផលលំបាកមួយចំនួនដែលជាបញ្ហា ប្រឈមក្នុងខ្វះការអគារសិក្សា ដោយសារ តែអគារមួយចំនួនចាស់ទ្រុឌទ្រោមទៅ ហើយ ។
ជាមួយនឹងការខ្វះខាតទាំងអស់នេះ ការរិយាល័យអប់រំយុវជន និងកីឡាស្រុក អន្លង់វែងជួបបញ្ហាលំបាកក្នុងការបញ្ជូន លិខិតទៅអង្គភាពដោយខ្វះមធ្យោបាយ ធ្វើដំណើរខ្វះថវិកាសម្រាប់សម្របសម្រួល របាយការណ៍ទៅមន្ទីរអប់រំខេត្ដ ខ្វះសម្ភារ បម្រើឱ្យផ្នែករដ្ឋបាល នាយកសាលាមួយ ចំនួនលំបាកធ្វើរបាយការណ៍ប្រព័ន្ធពិនិត្យ តាមដាន និងវាយតម្លៃផ្អែកលើលទ្ធផល ធ្វើឱ្យរបាយការណ៍យឺតយ៉ាវបញ្ជូនទៅ មន្ទីរអប់រំខេត្ដ សាលាបឋមសិក្សាចំនួន ៣ ខ្វះបង្គន់អនាម័យ អនុវិទ្យាល័យរំចេក គ្មានអគារសិក្សាទាំងស្រុង និងការិយា ល័យអប់រំយុវជន និងកីឡាស្រុកខ្វះបុគ្គលិក បម្រើការគ្រប់ផ្នែក ។
លោកប្រធានការិយាល័យអប់រំយុវជន និងកីឡាស្រុកបានសំណូមពរដល់គណៈ អធិបតីមួយចំនួនដូចជា ៖ ១-សុំថវិកា ជួយជុលទ្វារបង្អួចនៅវិទ្យាល័យអន្លង់វែង និងសាលាបឋមសិក្សាលំទង, ២-សុំ អគារសិក្សា១ខ្នង ស្មើនឹង៦បន្ទប់នៅ សាលាបឋមសិក្សាថ្លាត, ៣-សុំអគារ ១ខ្នងកម្ពស់២ជាន់ ស្នើនឹង១២បន្ទប់ និង សម្ភារបំពាក់សម្រាប់វិទ្យាល័យអន្លង់ វែង, ៤-សុំអគារសិក្សា១ខ្នងស្មើ៦បន្ទប់ នៅអនុវិទ្យាល័យរំចេក និង៥-សុំអគារ អន្ដេវាសិកដ្ឋានសិស្សវិទ្យាល័យអន្លង់វែង និងអនុវិទ្យាល័យត្រញំងតាវ ។
ឆ្លើយតបនឹងសំណូមពរនេះនាយឧត្ដម សេនីយ៍ គន់ គីម បានសន្យាថានឹងដោះ ស្រាយជាជំហានៗ និងសំណូមពរឱ្យអាជ្ញា ធរមូលដ្ឋានត្រូវតែមានដំណោះស្រាយ ល្អចំពោះប្រជាពលរដ្ឋដែលបានស្នើសុំឱ្យអាជ្ញាធរដែនដីជួយដោះស្រាយ និងធ្វើ យ៉ាងណាអភិវឌ្ឍមូលដ្ឋានរបស់ខ្លួនឱ្យរីក ចម្រើនផង ៕
ដោយ៖ ប្រាថ្នា
