ភ្នំពេញ៖ ដើម្បីរួមចំណែកធ្វើការ ងារបញ្ជ្រាបយេនឌ័រទទួលបានលទ្ធផល កាន់តែល្អប្រសើរថែមទៀតស្របតាម ប្រធានបទដែលផ្ដោតលើ សិទ្ធិស្មើគ្នា ឱកាសដូចគ្នាដើម្បីពន្លឿនកិច្ចអភិវឌ្ឍន៍ ក៏ដូចជាអនុវត្ដតាមយុទ្ធសាស្ដ្រចតុកោណក្នុងទិសដៅ ដើម្បីកំណើនការងារសម ធម៌ និងប្រសិទ្ធភាពនោះ កាលពីព្រឹក ថ្ងៃទី៨ ខែសីហា ឆ្នាំ២០១៥ លោកវរ សេនីយ៍ទោ ជឹម ស៊ីថា អធិការនគរបាល ខណ្ឌដង្កោបានធ្វើពិធីសំណេះសំណាលជាមួយមន្ដ្រីនគរបាលជានារី២២នាក់មកពីប៉ុសិ៍្ដរដ្ឋបាលទាំង១៣ ចំណុះឱ្យអធិការ ដ្ឋាននគរបាលខណ្ឌដង្កោ ក្នុងគោលបំណង ផ្ដល់បទពិសោធន៍ការងារច្បាប់ព្រហ្មទណ្ឌ និងណែនាំឱ្យដឹងពីកាតព្វកិច្ចរបស់ខ្លួន ។
លោកវរសេនីយ៍ទោ ជឹម ស៊ីថា បាន លើកឡើងថា ដើម្បីឱ្យមានសមត្ថភាព ធ្វើការងារដូចបុរស តាមរយៈនេះយើង បានកត់សម្គាល់ឃើញថា នៅក្នុងការ បំពេញភារកិច្ចមន្ដ្រីនគរបាលជានារី បានរៀនសូត្រដកបទពិសោធន៍លើការ ងារជាច្រើនហើយថែមទាំងបានបង្កើតស្នាដៃជូនអង្គភាពបានល្អប្រសើរគួរជាទី មោទនៈ។
ហេតុដូច្នេះនៅព្រឹកថ្ងៃទី៨ ខែសីហានេះ រូបលោកបានធ្វើពិធីសំណេះ សំណាលជាមួយមន្ដ្រីនគរបាលជានារី មកពីបណ្ដាប៉ុសិ៍្ដរដ្ឋបាល ក្នុងគោល បំណងធ្វើការណែនាំឱ្យចេះរាក់ទាក់រហ័ស រហួនរួសរាយក្នុងការបម្រើប្រជាពលរដ្ឋ តែម៉ឺងម៉ាត់ក្នុងការងារ ជាពិសេសការ ងារបម្រើសេវាសាធារណៈ។
ក្នុងនោះផង ដែរ លោកវរសេនីយ៍ទោ ជឹម ស៊ីថា ក៏ បានធ្វើការផ្ដាំផ្ញើដល់មន្ដ្រីនគរបាល នារីទាំងអស់ខិតខំបំពេញការងារ និង ចូលរួមចំណែកអនុវត្ដគោលនយោបាយ ភូមិសង្កាត់មានសុវត្ថិភាពក្នុងមូលដ្ឋានឱ្យទទួលបានប្រសិទ្ធភាពខ្ពស់ ក្នុងនាម យើងជាអ្នកបម្រើប្រជាពលរដ្ឋ និងបន្ដ ពង្រឹងសាមគ្គីភាពផ្ទៃក្នុងឱ្យបានល្អ ប្រសើរព្រមទាំងអភិវឌ្ឍខ្លួនឱ្យបានល្អ ដើម្បីតបស្នងចំពោះការជឿទុកចិត្ដ របស់ថ្នាក់ដឹកនាំ និងរាជរដ្ឋាភិបាល កម្ពុជា។ បន្ទាប់ពីបញ្ចប់ការសំណេះ សំណាល លោកអធិការនគរបាលខណ្ឌ ដង្កោក៏បានផ្ដល់ជូនវត្ថុអនុស្សាវរីយ៍ មានសារុងម្នាក់១ និងថវិកាចំនួន២ម៉ឺន រៀលផងដែរ ។
គួរបញ្ជាក់ឱ្យដឹងផងដែរថា រាជរដ្ឋា ភិបាលកម្ពុជា និងក្រសួងមហាផ្ទៃបាន ដើរតួនាទី ឈានមុខគេក្នុងការតែង តាំងដំឡើងឋានៈ និងតួនាទីដល់មន្ដ្រីជា នារីឱ្យបានរួមចំណែកកាន់តែស៊ីជម្រៅ ក្នុងការទទួលខុសត្រូវ និងដឹកនាំការងារ ចាប់ពីថ្នាក់ការិយាល័យរហូតដល់ថ្នាក់អគ្គនាយកដ្ឋានទាំងថ្នាក់ជាតិ និងថ្នាក់ ក្រោមជាតិព្រមទាំងបានតែងតាំងនារី ជាអភិបាលរងនៅគ្រប់រាជធានី-ខេត្ដ-ក្រុង-ស្រុក-ខណ្ឌ ៕
ដោយ៖ តាឡឹម
