ភ្នំពេញ៖ រថយន្តដឹកទំនិញ១គ្រឿងបើកទៅបុកគំរបលូធ្វើឲ្យខូចខាតសង្ស័យអ្នកបើកបរងងុយដេកតែមិនមានគ្រោះថ្នាក់ដល់មនុស្សទេ កាលពីវេលាម៉ោង៥និង៣០នាទីព្រឹកថ្ងៃទី២០ ខែតុលា ឆ្នាំ២០១៦ នៅចំណុចស្តុប២៤ម៉ោង ផ្លូវភ្នំពេញហាណូយ ក្នុងសង្កាត់ភ្នំពេញថ្មី ខណ្ឌសែនសុខ។

ប្រភពីកន្លែងកើតហេតុបានឲ្យដឹងថា មុនពេលកើតហេតុគេឃើញរថយន្តដឹកទំនិញ១គ្រឿងម៉ាកហុីយ៉ាន់ដាយ ពណ៌ស ពាក់ស្លាកលេខព្រះសីហនុ 3A-3712 បើកបរដោយបុរសម្នាក់ពុំស្គាល់អត្តសញ្ញាណក្នុងទិសដៅពីជើងទៅត្បូងតាមបណ្តោយផ្លូវខាងលើលុះមកដល់ចំណុចកើតហេតុ ស្រាប់តែរថយន្តខាងលើបានរេចង្កូតមកខាងស្តាំដៃបុកនិងគំរបលូបណ្តាលឲ្យខូតខាត ហើយរថយន្តបែកកង់ទៅមុខលែងរួចតែមិនបង្កគ្រោះថ្នាក់ដល់មនុស្សទេ។

ក្រោយកើតហេតុក៏មាននគរបាលចរាចរខណ្ឌចុះមកត្រួតពិនិត្យហើយយករថយន្តទៅរក្សាទុកនៅអធិការដ្ឋាននគរបាលខណ្ឌសែនសុដើម្បីដោះស្រាយនៅពេលក្រោយ៕

ដោយ៖ តុង សីហា